नागोठणे (बातमीदार) : मुंबई-गोवा महामार्गालगत नागोठण्यात मंगळवारी संध्याकाळी इंडियन ऑईल पंपासमोर तब्बल १० लाखांचा गुटखा जप्त करण्यात आला. नागोठणे पोलिसांसह अन्न व औषध प्रशासनाने ही संयुक्त कारवाई केली. या प्रकरणी सोनू श्रीराम अवतार गुप्ता (३६) याला ताब्यात घेण्यात आले.
बेकायदा गुटख्याच्या साठ्यासंदर्भातील माहिती नागोठणे पोलिसांना मिळाली होती. त्या आधारे त्यांनी एका इमारतीतील तळमजल्यावर असलेल्या एका सदनिकेवर छापा टाकला. त्यावेळी सदनिकेच्या तीन खोल्यांत मोठ्या पिशव्यांमध्ये गुटखा, पानमसाला आणि सुगंधित द्रव्याच्या बाटल्या आढळून आल्या. या वेळी रोहा पोलिस उपअधीक्षक किरणकुमार सूर्यवंशी, पोलिस निरीक्षक दादासाहेब घुटूकडे, सहाय्यक पोलिस निरीक्षक विजयकुमार देशमुख यांच्यासह अन्न व औषध प्रशासनाचे रायगड सहायक आयुक्त लक्ष्मण दराडे, अन्न सुरक्षा अधिकारी बालाजी शिंदे हे घटनास्थळी उपस्थित होते.
‘पालघर कनेक्‍शन’चे आव्हान
नागोठण्यात हस्तगत करण्यात आलेला गुटखा गुजरातहून पालघरमार्गे येतो. त्यामुळे या प्रकरणातील मुख्य आरोपींसह पालघर कनेक्‍शनचा छडा लावण्याचे मोठे आव्हान नागोठणे पोलिसांसमोर आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.