सबस्क्राईब करा
मुंबई : राज्यात कोरोना चाचणी प्रयोगशाळांची संख्या 103 झाली असून, त्यामध्ये 60 सरकारी आणि 43 खासगी प्रयोगशाळा आहेत. 26 मे ते 20 जून या कालावधीत नव्या 30 प्रयोगशाळा सुरू झाल्या आणि प्रति दशलक्ष चाचण्यांची संख्या दुप्पट वाढली आहे.
राज्यात 9 मार्चला कोरोनाचा पाहिला रुग्ण आढळला, त्या वेळी मुंबई आणि पुणे या दोन ठिकाणीच चाचण्यांची सुविधा होती. त्यानंतर कोरोना चाचणी सुविधेत राज्य सरकारने वाढ केल्यामुळे प्रयोगशाळांची संख्या 103 वर गेली आहे. राज्याचे प्रति दशलक्ष प्रयोगशाळा नमुन्यांचे प्रमाण 5847 असून, देशपातळीवरील हे प्रमाण 4610 आहे.
देशात सर्वाधिक कोरोना चाचण्या महाराष्ट्रात होतात. गेल्या तीन महिन्यांत चाचण्यांची क्षमता वाढवण्यासाठी प्रयत्न करण्यात आले आहेत. मुख्यमंत्री उद्धव ठाकरे यांच्या हस्ते रत्नागिरी, सिंधुदुर्ग, मुंबईतील जी. टी. हॉस्पिटल येथील प्रयोगशाळांचे उद्घाटन गेल्या आठवड्यात झाले. रविवारपर्यंत सात लाख 73 हजार 865 नमुने पाठवण्यात आले असून, त्यापैकी एक लाख 32 हजार 75 नमुने पॉझिटिव्ह आले; हे प्रमाण 17 टक्के आहे.
महत्वाची बातमी : ठाकरे सरकारकडून चीनला धक्का, 'ते' तीन करार केले रद्द
वाढत्या सुविधा
दिनांक प्रयोगशाळा प्रति दशलक्ष चाचण्या
26 मे 73 3347
29 मे 77 3387
5 जून 83 4086
12 जून 95 4861
21 जून 103 5847
प्रयोगशाळांची संख्या
मुंबई - 27 (सरकारी 12, खासगी 15), ठाणे - 7 (सरकारी 2, खासगी 5), नवी मुंबई - 3 (सरकारी 1, खासगी 2), पुणे - 22, (सरकारी 10, खासगी 12), नागपूर – 11 (सरकारी 7, खासगी 4), कोल्हापूर - 3 (सरकारी 2, खासगी 1), नाशिक - 4 (सरकारी 2, खासगी 2), सातारा - 2 (सरकारी 1, खासगी 1), नगर - 2 (सरकारी 1, खासगी 1), पालघर (डहाणू) - 1, रत्नागिरी -1, सिंधुदुर्ग - 1, सांगली (मिरज) - 1, सोलापूर - 2, धुळे - 1, जळगाव - 1, अकोला - 1, अमरावती - 2, यवतमाळ - 1, गडचिरोली - 1, चंद्रपूर -1, गोंदिया - 1, वर्धा - 1, औरंगाबाद - 1, नांदेड - 2, बीड - 1, लातूर - 1, परभणी - 1.
103 corona test laboratories in the state, the number of tests will increase
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.