मुंबई : एका १४ वर्षीय मुलाने रस्त्यावरून जात असणाऱ्या एका वृद्धाला चिरडल्याची धक्कादायक घटना घडली आहे. ही घटना मुंबईतील पवई कांदिवली या परिसरात घडली आहे. या १४ वर्षाच्या चिमुकल्याने आपल्या पालकांची गाडी घेतली असल्याची माहिती समोर आली आहे.
दरम्यान, हा सगळा थरार सीसीटीव्ही कॅमेऱ्यात कैद झाला असून सदर अल्पवयीन मुलाचे गाडीवरील नियंत्रण सुटले असल्याचं या व्हिडिओमध्ये दिसत आहे. सोसायटीच्या गेटमधून गाडी बाहेर काढताना त्याच्याकडून गाडीवरील नियंत्रण सुटून गाडीचा वेग अचानकपणे वाढला आणि रस्त्यावरून जात असलेल्या वृद्ध व्यक्तीला चिरडल्याचं या व्हिडिओमध्ये दिसत आहे.
तर पुढे गेल्यानंतरही रस्त्यावरून गाडी नागमोडी पद्धतीने आणि वेगाने पुढे जाताना दिसत आहे. तर हा व्हिडिओ सोशल मीडियावर व्हायरल झाला असून सदर मुलाच्या पालकांवर कारवाई झाली पाहिजे अशी मागणी नेटकऱ्यांकडून करण्यात आली आहे. पालकांनीही अशा लहान मुलांकडे गाडीची चावी देण्यापूर्वी विचार केला पाहिजे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
