मुंबईः पालिकेनं मे महिन्यात नियुक्त केलेल्या १४४ तरुण नर्संना अद्याप पगारातील एक रुपया दिला नसल्याचं वृत्त चार दिवसांपूर्वी देण्यात आलं होतं. दरम्यान आता या नर्संना लवकरच पगार देण्यात येणार असल्याची माहिती समोर आली आहे. मंगळवारी पालिका अधिकाऱ्यांना सांगितलं की, त्यांच्या थकबाकी असलेले पगार सप्टेंबर महिन्यात त्यांच्या खात्यात जमा होतील. सोमवारी झालेल्या बैठकीत अधिकाऱ्यांनी त्यांना कायमस्वरुपी (permanent) कर्मचारी बनविण्याचं देखील ठरवलं.
आम्ही मुख्यालयात पत्र लिहिलं आहे. या पत्रात आम्हाला नर्सच्या पहिल्या पगाराची मुदत देण्यास परवानगी देण्यासाठी एका महिन्याची सवलत देण्यास सांगणार आहोत. आम्हाला त्यांच्या वैद्यकीय चाचण्या, पोलिस तपास (Verification) आणि इतर प्रक्रिया पूर्ण करण्यासाठी एक महिना आवश्यक आहे. आम्ही वेतन जाहीर करण्यासाठी आवश्यक डेटा 13 ऑगस्टपर्यंत प्राधान्याने सादर करू, असं बीएमसीचे नवनियुक्त कार्यकारी आरोग्य अधिकारी डॉ. मंगला गोमारे म्हणाल्यात.
शैक्षणिक पात्रता प्रमाणपत्र वगळता, भरतीच्या वेळी महापालिकेने उर्वरित कागदपत्र पडताळणी प्रक्रिया वगळली होती कारण त्यावेळी तातडीने प्रशिक्षित नर्सची आवश्यकता होती.
डॉ. गोमरे म्हणाल्या की, सार्वजनिक आरोग्य विभाग पालिका रुग्णालयांमध्ये जातीनिहाय आणि मुक्त प्रवर्गाच्या रिक्त जागा शोधून या नर्संना कायमस्वरूपी कर्मचारी म्हणून ठेवेल, मात्र याला देखील थोडा वेळ लागेल. मी प्राधान्याने नर्सकडून आलेला तक्रारींवर तोडगा काढत आहे.
नर्संच्या गटाने त्यांच्या नियुक्तीची पत्रे आणि पगाराची मागणी 24 जुलै रोजी केली होती. बऱ्याच नर्स या 26-28 वर्षाच्या आहेत आणि त्यापैकी दोन गर्भवती देखील आहेत. त्यापैकी काहींनी बीएमसीत जाण्यासाठी खासगी रुग्णालयाची नोकरीही सोडली. पालिकेनं या नर्संना हॉटेल किंवा बीएमसीच्या निवासस्थानी राहण्यास जागा दिली असली तरी बर्‍याच जणांनी सांगितलं की, आम्ही आमच्या कुटूंबाने पाठवलेल्या पैशांवर दिवस काढत आहोत. काही दिवसांनंतर काही नर्स आपल्या पती किंवा पालकांना पैशासाठी विचारतात. ही खूप विचित्र गोष्ट असल्याचं, एका नर्सनं म्हटलं होतं.
मे महिन्यापासून ते दिवसाचे सहा ते आठ तास काम करत आहेत. काही आठवड्यातून पाच दिवस, तर काही जण सहा दिवस काम करत आहेत. त्यातील काहींनी सांगितले की बीएमसीच्या आरोग्य अधिकाऱ्यांनी त्यांना सांगितले होते की, ज्यांनी 9 मेपूर्वी कागदपत्रे सादर केली होती त्यांना कायमची नोकरी मिळेल. जवळजवळ तीन महिन्यांनंतर, 144 पैकी कोणालाही अद्याप माहित नाही की त्यांना कधी पगार दिला जाईल आणि तसंच कधी आणि किती पैसे देण्यात येतील.
144 Bmc nurses will get salaries credited in September
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.