मुंबई : कोरोनाच्या महामारीमुळे लॉकडाऊन जारी करण्यात आल्याने बांधकाम व्यवसायाला मोठा फटका बसला आहे. इमारतींचे बांधकाम पूर्ण करून भोगवटा प्रमाणपत्र (ओसी) मिळाले असले, तरी ग्राहकच नसल्याने मुंबई महानगर प्रदेशातील (एमएमआर) तब्बल 26 हजार कोटी रुपये किमतीची 19 हजार 200 घरे पडून आहेत.
कोविड-19 च्या संकटामुळे बांधकाम क्षेत्र आर्थिक संकटात सापडले आहे. त्यामुळे बांधकाम सुरू असलेले प्रकल्प निर्धारित वेळेत पूर्ण होतील, याची शाश्‍वती कुणालाही देता येत नाही. देशातील सात प्रमुख शहरांमध्ये तब्बल 78 हजार घरे ग्राहकांच्या प्रतीक्षेत आहेत. या घरांची किंमत सुमारे 66 हजार 950 कोटी असल्याची माहिती "ऍनारॉक' या संशोधन आणि सल्लागार संस्थेने केलेल्या सर्वेक्षणातून पुढे आली आहे.
मुंबई महानगर प्रदेशातील 19 हजार 200 घरे ग्राहकांच्या प्रतीक्षेत आहेत. पुण्यातील 15 हजारांपेक्षा जास्त घरांची विक्री झालेली नाही. दिल्ली एनसीआर क्षेत्रातील 15 हजार 600, बंगळुरूमधील 10 हजार 100 आणि हैदराबादमधील 1870 घरे विक्रीविना पडून आहेत.
... तरीही उभारणी सुरूच
देशातील प्रमुख सात शहरांमध्ये सहा लाख 66 हजार घरांचे बांधकाम सुरू आहे. मुंबई महानगर क्षेत्रात तब्बल दोन लाख 13 हजार घरे आणि पुण्यात 93 हजार 300 घरे बांधली जात आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.