मुंबई : कोविड मुळे झालेल्या मृत्यूंपैकी 25 टक्के मृत्यू हे चार प्रभागात आहेत. सर्वाधिक मृत्यू हे अंधेरी जोगेश्‍वरी पुर्व के पुर्व प्रभागात 666 आहेत. तर, सर्वात कमी मृत्यू हे फोर्ट कुलाबा ए प्रभागात 93 एवढे आहेत. अशी माहिती मुंबई महानगर पालिकेच्या साथ रोग नियंत्रण विभागाने जाहीर केली आहे.
मुंबईत 21 ऑक्‍टोबर पर्यंत कोविड मुळे 9 हजार 149 रुग्णांचा मृत्यू झाला आहे.त्यातील सर्वाधिक मृत्यू हे के पुर्वसह जी दादर माहिम धारावी, विक्रोळी भांडूप एस, घाटकोपर एन या प्रभागात 500 पेक्षा जास्त मृत्यू झाले आहेत.या चार प्रभागात एकूण मृत्यूंपैकी 25 टक्के मृत्यू झाले आहेत. मुंबईत महानगर पालिकेचे 24 प्रशासकीय प्रभाग आहेत. पुर्व उपनगरात मृत्यूंचे प्रमाण हे शहरातील इतर भागांच्या तुलनेने जास्त आहे.
संपुर्ण मुंबईचा विचार केल्यास दक्षिण मुंबईत मृत्यूंचे प्रमाण सर्वात कमी आहे. दक्षिण मुंबईतील ए,बी,सी या प्रभागात मृत्यूंचे प्रमाण सर्वात कमी आहे. तर,वांद्रे,सांताक्रुझ पश्‍चिम या प्रभागातही मृत्यूंचे प्रभाण कमी आहे. मुंबईतील सप्टेंबर ऑक्‍टोबर मृत्यू रोखण्यात महानगर पालिकेला यश आल्याचा दावा केला जात आहे.या एक महिन्याच्या दरम्यान मृत्यूदर हा 2 ते 3 टक्‍क्‍यां दरम्यान आहे.
सर्वाधिक मृत्यू असलेले विभाग
प्रभाग - मृत्यू - एकूण रुग्ण
के पुर्व - 666---14262
जी उत्तर - 592--12235
एस - 575---11814
एन - 512---11637
सर्वात कमी मृत्यू असलेले चार विभाग
प्रभाग - मृत्यू - एकूण रुग्ण
ए - 93--5816
बी -115---1885
सी -135--3418
एच पश्‍चिम - 251--8214
----------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.