मुंबई : राज्यात लॉकडाऊनच्या काळातही अवैध मद्यनिर्मिती, वाहतूक आणि विक्री सुरू आहे. राज्य उत्पादन शुल्क विभागाने त्याविरोधात राज्यस्तरावर कारवाई सुरू केली असून 24 मार्च ते 15 एप्रिलपर्यंत राज्यात 2809 गुन्हे नोंदविले आहेत. 1143 आरोपींना अटक करण्यात आली आहे. 162 वाहनांसह 7.17 कोटींचा मुद्देमाल जप्त करण्यात आला आहे.
राज्यात लॉकडाऊन असल्याने अवैध मद्यविक्री आणि वाहतूक केली जात आहे. बनावट मद्यामुळे नागरिकांच्या आरोग्याला धोका आहे. कुठेही अवैध मद्यविक्री होऊ नये म्हणून राज्य उत्पादन शुल्क विभागाचे आयुक्त कांतीलाल उमप यांनी कारवाईचे आदेश दिले आहे. त्याप्रमाणे राज्यभरात अवैध मद्यविक्री, उत्पादन आणि वाहतुकीवर कारवाई केली जात आहे. बुधवारी (ता. 15) एकाच दिवशी राज्यात 112 गुन्ह्यांची नोंद झाली. 40 आरोपींना अटक करण्यात आलीय पाच वाहनांसह एकूण 32 लाख 34 हजारांचा मुद्देमाल जप्त करण्यात आला आहे.
ंबईत दहा लाखांचा साठा जप्त बुधवारी अंधेरी-कुर्ला रोड मार्गावरील अंधेरी पूर्व परिसरात विदेशी मद्यविक्रीवर कारवाई करण्यात आली. 161 लिटर मद्य, 39.75 लिटर वाईन आणि 585.75 लिटर बीयरसह 10 लाख 24 हजार 668 किमतीचा साठा जप्त करण्यात आला. एकाला अटकही करण्यात आली. निरीक्षक प्रसाद सास्तुरकर, निरीक्षक दीपक परब आदींच्या पथकाने कारवाई केली.
इथे करा तक्रार
अवैध मद्यनिर्मिती, वाहतूक व विक्रीविरोधातील तक्रारीसाठी राज्य उत्पादन शुल्क विभागाचा नियंत्रण कक्ष 24 तास सुरू आहे. तक्रार करणाऱ्याचे नाव गोपनीय ठेवण्यात येणार आहे. नियंत्रण कक्षाचा टोल फ्री दूरध्वनी क्रमांक ः 18008333333. व्हॉट्‌सऍप क्रमांक ः 8422001133.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.