मुंबई : महापालिकेत आरोग्य सेविकांनी (Health workers) कोविड (Covid-19)काळात मोलाची भुमिका बजावली असली तरी आज त्यांच्या मागण्यांकडे दुर्लक्ष होत असल्याने सोमवारी तब्बल 4000 आरोग्य सेविका संपावर(Strike) जाणार आहेत.
कोविड महामारीच्या काळात आपल्या आणि आपल्या कुटुंबाच्या जीवाची पर्वा न करता दोन वर्ष मुंंबईकरांच्या आरोग्याच्या अडचणी सोडविणे तसेच घरोघरी जाऊन माहिती देण्याचे काम या आरोग्य सेविकांनी केले. मात्र केंद्र आणि राज्य सरकार केलेले कायदे महापालिका पायदळी तुडवत असून मागण्यांकडे दुर्लक्ष करत असल्याने सरकारला इशारा देण्यासाठी हा एक दिवसीय संप केला जाणार असल्याची माहिती महापालिका आरोग्य सेवा कर्मचारी संघटनेचे अध्यक्ष अ‍ॅड प्रकाश देवदास यांनी दिली.
न्यायालयाने दिलेल्या आदेशाप्रमाने 2015 पासून किमान वेतन, प्रोविडंट फंड देण्यात यावा, 65 वर्षानंतर निवृत्त झालेल्या आरोग्य सेविकांना पाच हजार रुपये पेंशन व उपदान त्वरीत देण्यात यावे. सध्या सेवेत असलेल्या आरोग्य सेवी कर्मचार्यांना प्रसूती रजा व इतर रजा देण्यात याव्यात, 300 रुपये कोविड भत्ता देण्यात यावा, 5 लाखाची गट विमा योजना, 2016 ला भरती झालेल्या आरोग्य सेविकांना भाऊबीज भेटीची थकबाकी द्यावी तसेच न्यायालयाच्या आदेशाप्रमाणे 2000 साला पासूनचे 600 रुपये सर्व सी एच व्हींना देण्यात यावेत अशा विविध मागण्यांसाठी हा संप करण्यात येत आहे.एकदिवसीय संपातून या मागण्यांबाबत सरकारने विचार करावा इतकी माफक अपेक्षा आहे. तरी देखील मागण्या मान्य न झाल्यास पुढे बेमुदत संप करणार असल्याचा इशारा संघटनेचे अध्यक्ष अ‍ॅड. प्रकाश देवदास यांनी दिला.(Mumbai news)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
