मुंबई विमानतळावर 6 किलो कोकेन जप्त; पोलिश नागरिक अटकेत

मुंबई - केंद्रीय अन्वेषण ब्युरो म्हणजेच सीबीआयने सोमवारी 7 नोव्हेंबर रोजी मुंबई विमानतळावर एका परदेशी नागरिकाकडून 6 किलो हेरॉईन जप्त केले आहे. जप्त करण्यात आलेल्या अमली पदार्थांची आंतरराष्ट्रीय बाजारात किंमत 18 कोटी एवढी किंमत आहे. या प्रकरणात आरोपीला अटक करण्यात आली आहे.

मिळालेल्या माहितीनुसार अटक करण्यात आलेल्या आरोपीचे नाव जसिंकी आंद्रेज विसाव असे असून ती पोलंड देशाचा नागरिक आहे. आरोपी मुंबईहून झिम्बाब्वेमार्गे इथिओपियाला जात होता. सीबीआयला इंटरपोलकडून माहिती मिळाल्यानंतर त्याला मुंबई विमानतळावर अटक करण्यात आली. आरोपीची चौकशी करून पुढील कारवाई करण्यात येत आहे.

अमली पदार्थ जप्त करण्याची या महिन्यातील ही तिसरी घटना आहे. यापूर्वी 18 ऑक्टोबर रोजी महसूल गुप्तचर संचालनालयाने मुंबईने 86.5 किलो उच्च दर्जाचे हायड्रोपोनिक अमली पदार्थ जप्त केले होते. त्याची किंमत 39.5 कोटी रुपये असल्याचे सांगण्यात आले. अमेरिकेहून आलेल्या दोन कुरिअर कन्साईनमेंट तपासल्यानंतर अमली पदार्थ सापडले. याप्रकरणी दोन भारतीय नागरिकांना मुंबईतून अटक करण्यात आली असून तपास सुरूच आहे.

3 ऑक्टोबर रोजी, डीआरआयने आंतरराष्ट्रीय तस्करीच्या रॅकेटचा पर्दाफाश केला आणि 2.3 कोटी रुपयांचे हायड्रोपोनिक तण आणि अंमली पदार्थ जप्त केले. माहितीनुसार, डीआरआयने याप्रकरणी दोघांना अटक केली आहे. डीआरआयच्या अधिकाऱ्यांनी मुंबई फॉरेन पोस्ट ऑफिसमध्ये 'खाद्य वस्तू' म्हणून बनवलेल्या अमेरिकेतून आलेल्या पार्सलमध्ये 3.5 किलो हायड्रोपोनिक जप्त केले. ही खेप हैदराबाद, तेलंगणा येथे पाठवण्यात येणार होती.