Crime News: मुंबईत लोकल ट्रेनमध्ये तरुणीवर लैंगिक अत्याचार, परीक्षेसाठी जाताना...

20 वर्षीय तरुणीवर धावत्या ट्रेनमध्ये लैंगिक अत्याचार, आरोपी अटकेत
Crime News
Crime NewsEsakal
Updated on

मुंबईकरांसाठी महत्वाच्या असलेल्या लोकल ट्रेनमध्ये 20 वर्षीय तरुणीवर लैंगिक अत्याचार झाल्याची धक्कादायक घटना समोर आली आहे. चालु लोकल ट्रेनमधील महिला डब्ब्यात आरोपीने तरुणीवर अत्याचार केला आहे. ही घटना काल (14 जून) रोजी सकाळी घडली आहे.

पीडित तरुणी परीक्षेला जात असतानाच तिच्यासोबत ही घटना घडली आहे. आरोपीला संबधित प्रकारानंतर आठ तासात अटक करण्यात आल्याची माहिती जीआरपी अधिकाऱ्यांनी दिली आहे. नवाज करीम (वय 40 वर्षे) आरोपीचे नाव आहे.

हार्बर मार्गावरील मस्जिद बंदर आणि छत्रपती शिवाजी महाराज टर्मिनस या स्थानकादरम्यान बुधवारी सकाळी ७.३० वाजण्याच्या सुमारास ही घटना घडली आहे. पीडित तरुणी मुंबईतील गिरगाव येथील रहिवासी असून बेलापूर याठिकाणी परीक्षेसाठी जात होती.

पीडित तरुणी सीएसएमटी-पनवेल लोकल ट्रेनधील सेकंड क्लास डब्यात प्रवास करत असताना मुलगी एकटीच असल्याचा फायदा घेत आरोपीने तिच्यावर लैंगिक अत्याचार केला. यावेळी तरुणीने स्वत:चा बचाव करण्याचा प्रयत्न केला. तिने आरडाओरडा सुरु केल्यानंतर आरोपीने मस्जिद बंदर स्थानकावर पळ काढला.

Crime News
Maharashtra Politics: शिंदे-भाजप ठाण्यातील वादाला आव्हाडांची फोडणी, ट्वीट केली ‘ती’ ऑडिओ क्लिप!

दरम्यान तरुणीने रेल्वे सुरक्षा दलाकडे तक्रार दाखल केल्यानंतर पोलिसांनी अज्ञात व्यक्तीविरुद्ध गुन्हा दाखल केला. आरपीएफ, जीआरपी, क्राईम ब्राँच आणि मुंबई पोलिसांनी पथकं तयार करुन आरोपींचा शोध सुरु केला. पोलिसांनी मस्जिद बंदर स्थानकात बसवलेले सीसीटीव्ही फूटेज तपासून त्या व्यक्तीची ओळख पटवुन घटनेनंतर आठ तासात बेड्या ठोकल्या आहेत.

Crime News
Greece: नायजेरियानंतर ग्रीसमध्येही ४०० प्रवाशांची पलटली; ७९ जणांचा मृत्यू तर...

या घटनेनंतर मायानगरीत महिला सुरक्षित आहेत का असा प्रश्न निर्माण झाला आहे. रात्री सुरक्षिततेसाठी महिलांच्या डब्यात पोलीस तैनात असतात. परंतु या घटनेनंतर लोकल ट्रेनमधील महिला प्रवाशांच्या सुरक्षेचा प्रश्न उभा राहीला आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.