Accident: मुंबई अहमदाबाद महामार्गावर भरधाव ट्रकच्या धडकेत दुचाकीस्वाराचा मृत्यू

Latest Mumbai News: मुंबई-अहमदाबाद महामार्गावर नांदगाव गावाच्या हद्दीत मुंबई वाहिनीवर एका भरधाव ट्रकने दुचाकीस्वाराला धडक दिल्याची घटना घडली.

या घटनेत राजेश यादव (वय ४२) या दुचाकीस्वाराचा मृत्यू झाला असून तो पालघरचा रहिवासी होता. शनिवारी सायंकाळी सात वाजण्याच्या सुमारास सुप्रीम हॉटेलसमोर हा अपघात घडला. राजेश यादव हा दुचाकीने आपल्या पत्नीसोबत मुंबई वाहिनीवरून मस्तान नाक्याच्या दिशेने जात होते.

सुप्रीम हॉटेलच्या समोर भरधाव ट्रकने त्यांच्या दुचाकीला धडक दिली. या अपघात राजेश यादव हा ट्रकच्या टायरखाली चिरडला गेल्याने त्याचा जागीच मृत्यू झाला. तर, त्याच्या पत्नीला किरकोळ दुखापत झाली. दरम्यान, घटनास्थळावरून ट्रकचालक फरार झाला. याप्रकरणी मनोर पोलिस ठाण्यात अपघाती मृत्यूचा गुन्हा दाखल करण्यात आला असून पोलिसांकडून आरोपीचा शोध घेतला जात आहे.