Latest Khopoli News: सांगोल्याहून मुंबईच्या दिशेने येणाऱ्या खासगी बसला पाठीमागून येणाऱ्या टेम्पोने धडक दिली. या अपघातात बसमधील सहा प्रवासी जखमी झाले, तर टेम्पोतील तिघे गंभीररीत्या जखमी झाले. हा अपघात खोपोली येथील मुंबई-पुणे महामार्गावर गुरुवारी पहाटे तीन वाजण्याच्या सुमारास घडला.
सांगोल्याहून मुंबईच्या दिशेने खासगी बस निघाली होती. पाठीमागून येणाऱ्या टेम्पोचा ब्रेक फेल झाल्याने बसला धडक बसली. अपघातानंतर बस महामार्ग सोडून २० फूट खड्ड्यात पलटी झाली.
