मुंबई : काही संस्थाचालक व शिक्षणाधिकाऱ्यांनी शिक्षक भरती बंद असताना शिक्षकांच्या बेकायदा नियुक्त्या केल्याचे आढळले आहे. याविरोधात आता शिक्षण विभागाने कारवाईचा बडगा उगारला आहे. त्यानुसार बेकायदा नियुक्ती मिळवलेल्या शिक्षकांवर व यात सामील असलेल्या अधिकाऱ्यांवर फसवणुकीसह सेवा समाप्तीची कारवाई करण्यात येणार आहे.
राज्यात शालेय शिक्षण विभागाने २०१२ नंतर झालेल्या पटपडताळणीत मोठ्या प्रमाणात अनियमितता आढळून आल्‍याने शिक्षक भरती बंदी केली होती. तरीदेखील या काळात शिक्षणाधिकारी आणि संस्थाचालकांनी संगनमत करून तब्बल चार हजार ११ शिक्षकांच्या बेकायदा नियुक्त्या केल्‍या. या शिक्षकांच्या सेवा समाप्तीची कारवाई नुकतीच सुरू झाली असून नागपूर शिक्षण उपसंचालकांनी ५२ शिक्षकांना यासंदर्भात नोटीस बजावली आहे.
याशिवाय या भरतीत भ्रष्टाचार करणाऱ्या राज्यातील ४६ प्राथमि‍क आणि माध्यमिक शिक्षणाधिकाऱ्यांची नावे समोर आली होती. त्यातील १३ प्राथमिकच्या आणि ३३ माध्यमिक शिक्षणाधिकाऱ्यांविरुद्ध शिस्तभंगाची कारवाई करण्यासाठीचा प्रस्ताव शिक्षण विभागाकडे तयार असून त्यावरही लवकरच कारवाई केली जाणार असल्याचे शिक्षण विभागातील उच्चस्तरीय अधिकाऱ्याकडून सांगण्यात आले.
बेकायदा शिक्षक नियुक्तीप्रकरणी ज्या अधिकाऱ्यांवर शिस्तभंगाची कारवाई होणे आवश्यक आहे, त्यांचा सध्या बचाव केला जात आहे. शिवाय त्यांची आपल्या मर्जीप्रमाणे चांगल्या शहराच्या ठिकाणी बदली केली जात आहे. एकाच वेळी दोन -दोन ठिकाणचा कार्यभार त्यांच्याकडे सोपवला जात आहे. या सर्व बाबी गंभीर असून तातडीने याची चौकशी करून संबंधितांवर कारवाई झाली पाहिजे.
- नागो गाणार, शिक्षक आमदार
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
