मुंबई: राज्यात लसीकरण सुरू झाल्यापासून अनेकांना कोरोनाची बाधा झाली. तर, त्यातून बरे होऊनही अनेकांना पुन्हा कोरोनाची बाधा झाली. त्यात लस घेतलेल्या एकाही रुग्णाचा मृत्यू झाला नाही, असे निरीक्षण आरोग्य विभागाने नोंदवले आहे.
राज्यात 18 जानेवारीपासून लसीकरणाला सुरुवात झाली असून आतापर्यंत सव्वा दोन कोटीहून अधिक जणांनी लस टोचून घेतली आहे. यात मुंबईतील 28 लाख व्यक्तींचा समावेश असून वैद्यकीय कर्मचारी, कर्मचारी आणि 60 वर्षावरील ज्येष्ठ नागरिकांचा समावेश आहे. त्यापैकी 7 लाख 25 हजार नागरिकांनी दुसरा डोस घेतला आहे. लसीचा पहिला डोस घेतल्यावर 15 ते 20 दिवसांनी रोगप्रतिकार शक्ती वाढते तर दोन महिन्यात दुसरा डोस घेतल्यानंतर शरीरातील रोगप्रतिकारक शक्ती टिकून राहते त्यामुळे पुन्हा कोरोना झाला तरी ऑक्सिजन किंवा व्हेंटिलेटरची गरज पडत नाही. त्या रुग्णांना शक्यतो कोणतेही गंभीर स्वरूपाचा आजार होत नाही असेही आरोग्य विभागाने स्पष्ट केले आहे.
एक डोस घेण्यापेक्षा 2 डोस घेतलेल्या रुग्णाचा कोरोनामुळे मृत्यू होण्याची शक्यता नाही. तसेच, व्यक्तीला पुन्हा कोरोना झाला तर तो सहजपणे त्यावर मात करू शकतो त्यामुळे लसीकरण खूप गरजेचे असून प्रत्येकाने लस टोचून घ्यायला हवी
- डॉ. तात्याराव लहाने, संचालक वैद्यकी व वैद्यकीय शिक्षण व संशोधनालय
कोरोनाचे दोन डोस घेतलेल्यांना मृत्यूचा धोका कमी -
दरम्यान, दोन डोस घेतल्यानंतर मृत्यूचा धोका कमी होऊ शकतो. मुंबईत अशा घटना घडल्या आहेत. पण, हे प्रमाण फारच कमी आहे. आयसीयूमध्ये जाण्याचे प्रमाण कमी असते. लस घेतल्यानंतर ही 15 ते 20 टक्के लोकांमध्ये ॲटीबॉडीज तयार होत नाहीत. त्यातून जर गंभीर प्रकारचा कोरोना झाला तर त्यातून मृत्यू होण्याची शक्यता असते. पण, प्रमाण कमी आहे.
डॉ. अविनाश सुपे, सदस्य, कोविड टास्क फोर्स
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
