मद्य, सिगारेट नंतर आता दूधाचीही चोरी; व्हिडिओ होतोय व्हायरल

कल्याण : लॉकडाऊनमध्ये जीवनावश्यक वस्तूंची  कमतरता भासत आहे. राज्यात अनेक ठिकाणी दुकाने फोडून चोरांनी किराणा मालावर डल्ला मारल्याच्या घटना घडल्या आहेत. काही दिवसांपूर्वी दुकाने फोडून मद्याची चोरी केल्याच्या घटना घडल्याचे दिसून आले होते. 
लॉकडाऊनमध्ये चोरांचा सुळसुळाट असतानाच कल्याणमध्ये चक्क दूध पिशव्या चोरल्याची घटना समोर आली आहे.  यामुळे स्थानिक नागरिकांच्या भुवया उंचावल्या आहेत. 

मुंबईतील महत्वाच्या बातम्या वाचण्यासाठी येथे क्लिक करा
 

कल्याण पूर्वेतील काटेमानेवली परिसरात शाम यादव यांची डेअरी आहे. यादव यांनी मागणी केलेल्या दुधाच्या पिशव्यांपैकी काही पिशव्या कमी असल्याचे त्यांच्या लक्षात आले. यादव यांनी शुक्रवारी सकाळी आपल्या दुकानाबाहेर लावलेला सीसीटीव्ही कॅमेरा तपासला तेव्हा मोटरसायकलवर आलेल्या तीन भामट्यांनी दूधाच्या पिशवीचा ट्रेच उचलून नेल्याचे त्यांच्या लक्षात आले. सकाळच्या वेळी परिसरात शांतता असल्याने तसेच लॉकडाऊनमुळे रस्त्यावरही वर्दळ नसल्याने चोरांनी दूध चोरून पोबारा केला.

Alcohol, cigarettes now theft of milk; The video is viral in kalyan