मोठी बातमी: मध्यवैतरणा धरणाचे पाचही दरवाजे उघडले!

Latest Palghar News: मोखाड्यात गेली दोन दिवसांपासून मुसळधार पाऊस कोसळत आहे. त्यामुळे धरण क्षेत्रात ही त्याचा परिणाम झाला आहे. मुंबई ला पाणी पुरवठा करणारे मोखाड्यातील मध्यवैतरणा धरण तुडुंब भरले आहे.

त्यामुळे धरणाचे स्वयंचलित पाच ही दरवाजे उघडले गेले आहेत. येथुन  11  हजार  124  क्युसेसने पाण्याचा विसर्ग सुरू झाला आहे. त्यामुळे नदीकाठच्या गावांना सर्तकतेचा ईशारा देण्यात आला आहे.          

पालघर जिल्ह्याला मुसळधार पावसाने झोडपले आहे. हवामान खात्याने कोकण किनारपट्टीसह पालघर जिल्ह्याला रेड अलर्ट दिला. जिल्ह्यातील मोखाडा तालुक्यात गेली दोन दिवसांपासून मुसळधार पाऊस कोसळत आहे. त्यामुळे मोखाड्यातील मुंबई ला पाणी पुरवठा करणार्या मध्यवैतरणा धरणाच्या पाण्याच्या पातळीमध्ये झपाट्याने वाढ झाली आहे.

धरणाच्या पाण्याच्या पातळी  284 : 35  मिटर ला पोहोचली आहे. त्यामुळे धरणाचे पाच ही स्वयंचलित दरवाजे  60  सेमी ने ऊघडले गेले आहेत. या धरणातून संध्याकाळी  4 : 30 वाजता सुमारे  11  हजार  124  क्युसेसने पाण्याचा विसर्ग सुरू झाला आहे. हे पाणी मोडकसागर धरणात जात असल्याने, मोडकसागर धरणाचा विसर्ग ही वाढवणार आल्याचे आपत्ती व्यवस्थापन विभागाकडून कळविण्यात आले आहे.