किमान 'यांना' तरी लोकल प्रवासाची मुभा द्या; संघटनेची मागणी

• सध्या केवळ अत्यावश्यक सेवा पुरवणाऱ्या कर्मचाऱ्यांनाच लोकल प्रवासाची परवानगी

मुंबई: दहावी-बारावीचे निकाल (SSC HSC Results) आणि त्याच्या सर्व प्रक्रिया (Procedure) करण्यासाठी शालेय शिक्षण विभागाकडून (School Management) लवकरच शिक्षकांना त्यांच्या शाळा, कनिष्ठ महाविद्यालयात (Colleges) बोलावले जाणार आहे. मुंबईत (Mumbai) असलेल्या सरकारी, अनुदानित आणि विनाअनुदानित शाळांतील बहुतांश शिक्षक हे मुंबईबाहेर (Out of Mumbai) राहतात. त्यामुळे अशा बाहेरून येणाऱ्या शिक्षकांना तरी लोकल (Local Trains) प्रवासासाठी परवानगी द्यावी, अशी मागणी शिक्षक परिषदेसह महाराष्ट्र राज्य शिक्षण क्रांती संघटनेने केली आहे. (Allow Local Train Journey to the Teachers who are coming to schools from outside of Mumbai)

मागील काही दिवसांपूर्वी सरकारने राज्य शिक्षण मंडळाच्या दहावीचा निकाल शाळा स्तरावर तयार करण्याबाबत शासन निर्णय निर्गमित केलेला आहे. या निकालाचे काम अत्यंत महत्त्व आहे. हा निकाल वेळेत पूर्ण करणे गरजेचे आहे. तसेच 14 जूनपासून शालेय कामकाज सुद्धा सुरु होत आहे. त्यासाठी मुख्याध्यापक, शिक्षक आणि शिक्षकेत्तर कर्मचारी यांना शाळेत उपस्थित राहणे आवश्यक होणार आहे. तसेच माध्यमिक शालांत परीक्षा बोर्ड, शिक्षणाधिकारी कार्यालय यासोबत शाळेशी निगडीत अन्य कार्यालयांमध्ये अत्यावश्यक कामासाठी जावे लागते. त्यामुळे या शिक्षक आणि शिक्षकेतर कर्मचारी यांना लोकल प्रवासासाठी परवानगी दिली जावी अशी मागणी करण्यात आली आहे.

मुंबईतील 70 मुख्याध्यापक, शिक्षक आणि शिक्षकेत्तर कर्मचारी हे पालघर, वसई, विरार, अंबरनाथ, कल्याण, कर्जत, कसारा, नवी मुंबई आणि पनवेल अशा दूरच्या ठिकाणी राहतात. यामध्ये महिला शिक्षकांचे प्रमाण जास्त आहे. त्यांना खाजगी प्रवास करण्याची कोणतीही सोय त्यांच्या वेळेत नाही, त्यामुळे लोकलने प्रवास करण्याची परवानगी तातडीने देण्याचा निर्णय घ्यावा अशी मागणी शिक्षक संघटनांनी केली आहे.