मुंबई: गेल्या तीन महिन्यापासून प्रलंबित एसटी कर्मचाऱ्यांच्या वेतनाची कोंडी अखेर फुटली आहे. सोमवारी एका महिन्याचे वेतनाची घोषणा केल्यानंतर मंगळवारी उपमुख्यमंत्री अजित पवार यांच्या बैठकीनंतर राज्य सरकारने एसटी महामंडळाला एक हजार कोटीचे पॅकेज जाहीर केले आहे. त्याची घोषणा परिवहन मंत्री ऍड.अनिल परब यांनी केली आहे. त्यामुळे एसटी कर्मचाऱ्यांचे प्रलंबित सर्व महिन्याचे वेतन दिवळीपूर्वीच दिले जाणार आहे.
एसटी कर्मचाऱ्यांचे ऑगस्ट, सप्टेंबर आणि ऑक्टोबर या तीन महिन्याचे वेतन प्रलंबित होते. त्यामुळे एसटी कर्मचाऱ्यांमध्ये संताप व्यक्त केला जात होता. दरम्यान एसटी कर्मचारी संघटनांनी आक्रोश आंदोलन सुद्धा केले, त्याशिवाय वेतन मिळत नसल्याने 2 कर्मचाऱ्यांनी आत्महत्या सुद्धा केली आहे.
त्यानंतर आता, प्रलंबित तीन महिन्याचे वेतन देण्याचा मार्ग मोकळा झाला आहे. राज्य सरकारने दिलेल्या एक हजार कोटी रुपयांमध्ये दिवळीपूर्वीच एसटी कर्मचाऱ्यांचे उर्वरीत महिन्याचे वेतन दिले जाणार असल्याची घोषणा सुद्धा परब यांनी केली आहे.
---------------------------
(संपादनः पूजा विचारे)
Anil Parab announces Rs 1 thousand crore package for ST Corporation
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.