मुंबई: NCB अधिकारी समीर वानखेडे (sameer wankhede) यांच्या अडचणी वाढत चालल्या आहेत. ड्रग्ज प्रकरणात त्यांच्या तपासावर, धर्मावरुन विश्वासहर्तेवर प्रश्नचिन्ह निर्माण करण्यात येत असताना आता आणखी एका साक्षीदाराने पलटी मारली आहे. प्रभाकर साईल नंतर खारघर ड्रग्ज प्रकरणातील (drug case) साक्षीदार शेखर कांबळे (Shekhar Kamble) याने कोऱ्या कागदावर NCB च्या अधिकाऱ्यांनी आपल्या स्वाक्षरी घेतल्या, असा दावा केला आहे.
खारघरमध्ये ड्रग्ज प्रकरणात एका नायजेरियन आरोपीला अटक करण्यात आली होती. एनसीबीच्या अधिकाऱ्यांनी १० ते १२ कोऱ्या कागदांवर माझी स्वाक्षरी घेतली. नंतर तेच कागद पंचनाम्यासाठी वापरले, असे शेखर कांबळे यांनी म्हटले आहे. इंडिया टुडेने हे वृत्त दिले आहे.
"काल टीव्हीवर मी खारघर नायजेरियन प्रकरणाची बातमी बघितली. मला भिती वाटली. अनिल माने, आशिष रंजन आणि एनसीबी अधिकाऱ्यांचा मला फोन आला. ते या प्रकरणाचा तपास करत आहेत. काल रात्री उशिरा एनसीबी अधिकारी अनिल माने यांनी मला फोन केला व कोणाकडेही याबद्दल वाच्यता करु नको" असे सांगितले.
"समीर वानखेडेंनी आपल्याला कोऱ्या कागदावर स्वाक्षरी करायला सांगितली होती" असा दावा शेखर कांबळे यांनी केला. काहीही होणार नाही, असे वानखेडेंनी आपल्याला आश्वासन दिले. त्याने WhatsApp कॉल रेकॉर्डही दाखवले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
