अरुण गवळी गँगच्या खंडणीखोर सदस्याला अटक

नवी मुंबई : एपीएमसी APMC मार्केटमधील market व्यापाऱ्यांना धमकावून Threatening त्यांच्याकडून खंडणी उकळणाऱ्या सराईत गुन्हेगाराला एपीएमसी APMC पोलिसांनी अटक केली आहे. अशोक हंसराज सोणकर Ashok Hansraj Sonkar ऊर्फ अशोक मिर्ची Ashok Mirchi (वय ३४) असे या सराईत गुन्हेगाराचे नाव असून तो अरुण गवळी गँगचा सदस्य आहे. नुकताच तो तुरुंगामधून सुटला होता. त्याच्यावर एपीएमसी APMC पोलिस ठाण्यात विविध प्रकारचे गंभीर गुन्हे दाखल आहेत.

आरोपी अशोक मिर्ची हा सराईत गुन्हेगार असून बुधवारी दुपारी तो एपीएमसी भाजी मार्केटमधील व्यापाऱ्यांकडून खंडणी उकळण्यासाठी गेला होता. या वेळी त्याने भाजी मार्केटमधील मयूर बारवे याला आपण या मार्केटमधील भाई असल्याचे व नुकतेच तुरुंगातून सुटून आल्याचे सांगून धमकावले. तसेच मार्केटमध्ये धंदा करायचा असेल तर महिन्याला पाच हजार रुपये हप्ता द्यावा लागेल, असे सांगून हप्ता न दिल्यास मारून टाकण्याची धमकी त्याने मयूरला दिली. या प्रकारानंतर बारवे याने एपीएमसी पोलिस ठाण्यात तक्रार दाखल केली. त्यानुसार पोलिसांनी आरोपीच्या विरोधात रात्री उशिरा खंडणीचा गुन्हा दाखल केला.

त्यानंतर पोलिसांनी त्याचा शोध सुरू केला असताना आरोपी कृष्णा बार समोर येणार असल्याची माहिती मिळाली. त्यानुसार सहायक पोलिस निरीक्षक सुमेध खोपीकर व त्यांच्या पथकाने गुरुवारी सकाळी कृष्णा बारजवळ सापळा लावून त्याला अटक केली