मुंबई : अर्सेलर मित्तल निप्पॉन या स्टीलनिर्मिती कंपनीने राज्यात आणखी ऐंशी हजार कोटी रुपयांची गुंतवणूक करून कारखाना उभारणीचा प्रस्ताव राज्य सरकारला दिला. त्यानुसार तळकोकणात त्यांना एक हजार एकर जमीन देण्याची तयारी सरकारने दाखविली आहे.
या विस्तारामुळे राज्यात प्रत्यक्ष शेकडो नवे रोजगार व हजारो अप्रत्यक्ष रोजगार निर्माण होण्याची अपेक्षा आहे. कंपनीच्या उच्चस्तरीय शिष्टमंडळाने आज उपमुख्यमंत्री देवेंद्र फडणवीस यांच्याशी भेट घेऊन यासंदर्भात चर्चा केली.
कंपनीचे राज्यात अनेक ठिकाणी स्टील उत्पादन प्रकल्प आहेत व त्याचा विस्तार करण्याची कंपनीची इच्छा आहे. त्यानुसार रत्नागिरी व सिंधुदुर्ग जिल्ह्यांच्या सीमेवर त्यांना जागा देण्याचा सरकारचा प्रस्ताव आहे.
विस्तारासाठी कंपनीला पाच हजार एकर जमीन हवी आहे, तसेच वांद्रे-कुर्ला व्यापारी संकुलात कार्यालयासाठीदेखील कंपनीने जागा मागितली आहे. विस्तारासाठी बंदराजवळ तसेच रस्ते व रेल्वेमार्ग जवळ असलेल्या ठिकाणी जमीन मिळावी अशी कंपनीची इच्छा आहे. विस्तारासाठी जागा निश्चिती आणि भूसंपादन प्रक्रियेसाठी मेरिटाईम बोर्ड, एमआयडीसी आणि कंपनी प्रतिनिधींनी स्वतंत्र बैठक घ्यावी असेही फडणवीस यांनी सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.