मुंबई: मागच्या आठवड्यात ड्रग्ज प्रकरणात (Drug case) मुंबई उच्च न्यायालयाकडून (Mumbai high court) जामिन मिळाल्यानंतर आर्यन खान (Aryan khan) आज पहिल्यांदा नार्कोटिक्स कंट्रोल ब्युरो (Ncb) समोर हजर झाला. आर्यनला जामीन मंजूर करताना न्यायालयाने आठवड्यातून एकदा एनसीबी समोर हजर राहण्याची अट ठेवली आहे. दक्षिण मुंबईत NCB चं कार्यालय असून आर्यन आपले वकिल निखिल मानशिंदे यांच्यासोबत सफेद रंगाच्या रेंज रोव्हरमधुन आला होता.
दर शुक्रवारी सकाळी ११ ते दुपारी २ या वेळेत मुंबईतील एनसीबी कार्यालयात आर्यनला हजर रहावे लागणार आहे. आर्यन खान ३० ऑक्टोबर रोजी तुरुंगातून बाहेर आला होता. तब्बल २७ दिवसानंतर आर्यनची आर्थर रोड कारागृहातून सुटका झाली होती. आर्यन आणि सह आरोपी अरबाज मर्चंट, मुनमुन धामेचा यांना जामिन मंजूर करताना मुंबई उच्च न्यायालयाने १४ अटी टाकल्या आहेत.
आर्यन खानला एनडीपीएस कोर्टात आपले पासपोर्ट जमा करावे लागेल तसेच विशेष कोर्टाची परवानगी घेतल्याशिवाय तो देशाबाहेर जाऊ शकणार नाही, अशा अटी उच्च न्यायालयाने जामीन मंजूर करताना ठेवल्या होत्या. आर्यन खान, अरबाज मर्चंट आणि मुनमुन धामेचा या तिघांना एनसीबीने ३ ऑक्टोबर रोजी ड्रग्ज प्रकरणात एनडीपीएस कायद्याच्या विविध कलमांखाली अटक केली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
