मुंबई : तापावरील उपचारादरम्यान मृत्यू झालेला सहायक पोलिस उपनिरीक्षक कोरोना पॉझिटिव्ह असल्याचे चाचणी अहवालातून स्पष्ट झाले आहे. कुर्ला येथील विनोबा भावे नगर पोलिस ठाण्यातील या निरीक्षकाचा शुक्रवारी (ता. 8) घाटकोपर येथील राजावाडी रुग्णालयात मृत्यू झाला. त्यामुळे कोरोनाने बळी घेतलेल्या मुंबईतील पोलिसांची संख्या चारवर गेली आहे.
विनोबा भावे नगर पोलिस ठाण्यातील या निरीक्षकाला मधुमेहाचा आजार होता. श्वास घेण्यास त्रास, अशक्तपणा व ताप असा त्रास होऊ लागल्यावर ते बुधवारी (ता. 6) खासगी डॉक्टरकडे गेले. परंतु, कोरोनाबाधेची लक्षणे दिसू लागल्यामुळे त्यांना घाटकोपर येथील राजावाडी रुग्णालयात दाखल करण्यात आले.
त्याच दिवशी त्यांची कोरोना चाचणी करण्यात आली; मात्र अहवाल येण्यापूर्वीच शुक्रवारी पहाटे 2 वाजता त्यांचा मृत्यू झाला. त्यानंतर रात्री आलेल्या अहवालात ते कोरोनाबाधित असल्याचे निष्पन्न झाले. यापूर्वी मुंबई पोलिस दलातील तीन कर्मचाऱ्यांचा कोरोनामुळे मृत्यू झाला असून, 309 जणांना लागण झाली आहे.
Assistant police sub-inspector death by corona, read full stroy
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.