Dombavali News: रस्त्यावरून जात असताना पादचारी बाजूला होण्यासाठी रिक्षाचालकाने हॉर्न वाजविला. याचा राग एका पाडचाऱ्याला आला. त्याने रिक्षा चालकाला हॉर्न का वाजविला असा जाब विचारत बाजूलाच पडलेला एक मोठा दगड उचलून चक्क रिक्षाचालकाच्या डोक्यात घालून त्याला गंभीर जखमी केल्याची घटना शनिवारी रात्री घडली. याप्रकरणी रामनगर पोलीस ठाण्यात गुन्हा दाखल करण्यात आला आहे.
ठाकुर्ली पूर्वेतील विसर्जन तलाव परिसरात एका सोसायटीत रिक्षाचालक लक्ष्मण चौधरी हे राहतात. शनिवारी रात्री साडे बारा वाजण्याच्या दरम्यान ते ठाकुर्ली स्टेशन परिसरात प्रवासी वाहतूक करत होते. काही प्रवासी रस्त्याच्या मध्यभागातून पायी चालले होते. त्यांना बाजूला करण्यासाठी रिक्षा चालक चौधरी यांनी रिक्षेचा भोंगा वाजविला. त्यावेळी त्या प्रवाशाला राग आला. त्याने लक्ष्मण यांना भोंगा का वाजविला असा प्रश्न केला.
आपण रस्त्याच्या मध्य भागातून चालला होता. तुम्हाला रिक्षेचा धक्का लागला असता म्हणून भोंगा वाजवून बाजूला होण्याचा इशारा दिला, असे लक्ष्मण चौधरी यांनी पादचाऱ्याला सांगितले. पण पादचारी काही ऐकण्याच्या मनस्थितीत नव्हता. त्याने लक्ष्मण यांच्या बरोबर भांडण उकरून काढले. रस्त्याच्या कडेला पडलेला एक मोठा दगड उचलून तो त्याने रागाच्या भरात लक्ष्मण यांच्या डोक्यात मारला. अचानक हल्ला झाल्याने लक्ष्मण रक्तबंबाळ झाले. इतर रिक्षा चालक, प्रवासी मध्ये पडत त्यांनी पादचाऱ्याला दूर केले.
याच परिसरात चौधरी यांचे कुटुंब रहात असल्याने यांच्या कुटुंबीयांना या प्रकाराची माहिती मिळताच त्यांनी घटनास्थळी धाव घेतली. लक्ष्मण यांना पालिकेच्या शास्त्रीनगर रुग्णालयात उपचारासाठी दाखल करण्यात आले. लक्ष्मण यांचा मुलगा अनिकेत (वय 23) याच्या तक्रारीवरून रामनगर पोलिसांनी अज्ञात व्यक्तीविरुद्ध गुन्हा दाखल केला आहे. पोलीस उपनिरीक्षक नंदकिशोर काते तपास करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.