Badlapur School Crime: मोठी बातमी; आरोपी अक्षय शिंदेची चिमुकल्यांसमोर होणार ओळख परेड!

बदलापूरमध्ये एका शाळेत अतीशय किळसवाणा प्रकार घडला होता. यावेळी एका सफाई कर्मचाऱ्याने शाळेतील २ चिमुकल्यांवर अत्याचार केला होता. अक्षय शिंदे असं या प्रकरणातील आरोपीचं नाव आहे. या विषयी एक मोठी बातमी समोर आली आहे. ती म्हणजे, अत्याचार प्रकरणातील आरोपी अक्षय शिंदे याची पीडित मुलीसमोर ओळख परेड करण्यात येणार आहे.

बदलापूर चिमुरड्यांवरील अत्याचार प्रकरणातील आरोपी अक्षय शिंदे याची पीडित मुलीसमोर ओळख परेड करण्यात येणार आहे. पुढील एक-दोन दिवसांत ही ओळख परेड होण्याची शक्यता आहे. यासाठी ‘एसआयटी’ने न्यायालयामध्ये अर्ज केला होता. त्यानुसार न्यायालयाने आरोपीची ओळख परेड करण्यासाठी परवानगी दिली आहे.

बदलापूर अत्याचार प्रकरणातील आरोपी अक्षय शिंदे हा सध्या तळोजा कारागृहात न्यायालयीन कोठडीत आहे. त्याच्याविरोधाच शाळेतील दोन मुलींवर लैंगिक अत्याचाराचा आरोप आहे. एका प्रकरणात न्यायालयाने आरोपीला न्यायालयीन कोठडी सुनावली आहे. त्यानंतर ‘एसआयटी’ने पीडित मुलींपैकी दुसऱ्या मुलीच्या पालकांनी दिलेल्या तक्रारीवरून दुसरा गुन्हा दाखल करत त्याला पुन्हा न्यायालयात हजर केले होते.

या वेळी आरोपीची ओळख परेड करण्यासाठी एसआयटीने न्यायालयामध्ये अर्ज केला होता. त्यानुसार न्यायालयाने ही परवानगी दिली आहे. या गुन्ह्याच्या तपासात कोणतीही त्रुटी राहू नये, म्हणून ही ओळख परेड करण्यात येणार आहे. येत्या एक ते दोन दिवसांत तुरुगांमध्ये आरोपीची पीडित मुलीसमोर ओळख परेड करण्यात येणार आहे.