Aryan Khan Drugs Case: क्रुझवरील ड्रग्ज पार्टीप्रकरणी अटकेत असलेला अभिनेता शाहरुख खानचा मुलगा आर्यनच्या जामिनाच्या आदेशाची प्रत मुंबई उच्च न्यायालयाने जारी केली आली. पाच पानांची ही आदेशाची प्रत आहे. आर्यनसह त्याचा मित्र आणि प्रकरणातील सहआरोपी अरबाज मर्चंट आणि मुनमुन धमेचा यांचा एक लाख रुपयांच्या जातमुचलक्यावर जामीन मंजूर करण्यात आला आहे.
जामिनाच्या आदेशातील अटी-
- असा गुन्हा पुन्हा करू नये
- इतर आरोपींशी संपर्क साधू नये
- साक्षीदारांवर दबाव आणू नये
- देश सोडून जाऊ नये
- माध्यमांशी या प्रकरणाविषयी संवाद साधू नये
- दर शुक्रवारी सकाळी ११ ते दुपारी २ या वेळेत एनसीबी कार्यालयात हजेरी लावावी.
- विशेष न्यायालयात पासपोर्ट जमा करावा.
- सुनावणीला वेळेत हजर राहावं.
- पुराव्यांशी छेडछाड करू नये
- आरोपींना तपास अधिकाऱ्यांना न सांगता मुंबईबाहेर जाता येणार नाही
उच्च न्यायालयाने गुरुवारी हा जामीन मंजूर केला होता. मात्र, जामिनाच्या अटींबाबतचा आदेश शुक्रवारी देण्याचं न्यायालयाने स्पष्ट केलं होतं. २५ दिवसांहून अधिक काळ कारागृहात असलेल्या आर्यनची आज (शुक्रवार) किंवा शनिवारी सुटका होऊ शकते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
