शाळेच्या बांधकामाचा ठेका मिळविण्याच्या वादातून ठेकेदाराला मारहाण

नवी मुंबई : शाळेच्या (School) बांधकामाचा ठेका मिळविण्याच्या वादातून कोपरखैरणे (Kōparakhairaṇē) येथे राहणाऱ्या एका ठेकेदाराला (contractor) दुसऱ्या ठेकेदाराने (contractor) व त्याच्या सहकार्‌यांनी बेदम मारहाण करून जिवे मारण्याची धमकी दिल्याची घटना घडली आहे. कोपरखैरणे (Kōparakhairaṇē) पोलिसांनी (Police) या प्रकरणातील आरोपींविरोधात गुन्हा दाखल केला आहे.

मारहाण झालेल्या ठेकेदाराचे नाव संदेश म्हात्रे असून तो कोपरखैरणेत राहतो. तर त्याला मारहाण करणारा ठेकेदार महेश पाटील कोपरखैरणे गावात राहतो. संदेश आणि महेश हे दोघे कोपरखैरणे सेक्टर-२० मधील लालबहादूर मिशन शाळेच्या बांधकामाचे कंत्राट मिळवण्याच्या प्रयत्नात होते. सदरचे कंत्राट संदेशला मिळाले होते. गत मे महिन्यामध्ये संदेश म्हात्रे हा शाळा बांधकामाच्या ठिकाणी गेला असताना, त्याठिकाणी मित्रासह गेलेल्या महेश पाटील याने संदेशला कन्स्ट्रक्शनचे काम सोडून देण्यास धमकावले होते. तसेच त्याला शिवीगाळ करून ठार मारण्याची धमकी दिली होती. त्यामुळे संदेशने महेश पाटील व अक्षय या दोघांविरोधात कोपरखैरणे पोलिस ठाण्यात अदखलपात्र गुन्हा दाखल केला होता. त्यामुळे महेश पाटील याचा संदेशवर राग होता.

याच रागातून महेशने १७ ऑगस्ट रोजी मध्यरात्री सव्वा बाराच्या सुमारास संदेशला पकडून शाळा बांधकामाच्या कंत्राटावरून वाद घातला. त्यानंतर महेश व त्याचे मित्र रोहन सालीयन व आकाश या तिघांनी संदेशला बेदम मारहाण शाळेचे कंत्राट न सोडल्यास जिवे ठार मारण्याची धमकी दिली. या मारहाणीत जखमी झालेल्या संदेशने त्यांच्या तावडीतून सुटका करून घेत पळ काढला होता. त्यानंतर त्याने महापालिकेच्या रुग्णालयत उपचार घेऊन कोपरखैरणे पोलिस ठाण्यात तक्रार दाखल केली.