मुंबई : भाऊचा धक्का ते मांडवा जेट्टी अशी रो-रो सेवा म्हणजे महाराष्ट्राच्या जलवाहतूक सेवेतील मैलाचा दगड ठरेल. राज्याच्या किनारपट्टीवरील फायदेशीर ठरणारी अशी जलवाहतूक सेवा सुरू करण्यास प्राधान्य देण्यात येईल, अशी ग्वाही मुख्यमंत्री उद्धव ठाकरे यांनी रविवारी (ता. १५) दिली.
भाऊचा धक्का ते मांडवा रो-रो पॅक्‍स फेरी सेवा आणि मांडवा टर्मिनल सेवा रविवारी सुरू करण्यात आली. त्यानिमित्त उद्धव ठाकरे यांनी पाठवलेल्या संदेशात अशी ग्वाही देण्यात अाली. कोरोना संसर्ग लक्षात घेता भाऊचा धक्का ते मांडवा रो रो सेवेच्या उद्‌घाटनाचा कार्यक्रम होणार नाही, असे शनिवारी मुख्यमंत्र्यांनी जाहीर केले होते. कार्यक्रमासाठी न थांबता प्रवाशांच्या सोयीसाठी लगेच सेवा सुरू करण्याचे निर्देश त्यांनी दिले होते. सेवेला रविवारी त्यांनी शुभेच्छाही दिल्या.
रो-रो सेवेसाठी केंद्र आणि राज्य सरकारने मिळून मांडवा जेट्टीत १५० कोटी रुपये खर्चून सुविधा निर्माण केल्या आहेत. नवी मुंबईतील नेरूळ आणि बेलापूर येथूनही लवकरच जलवाहतूक सुरू करण्याची तयारी आहे. भाईंदर ते डोंबिवली जलवाहतुकीच्या आराखड्याला अंतिम मंजुरी मिळून दोन वर्षांत ही सेवा सुरू होईल. जलवाहतुकीच्या माध्यमातून पर्यटन व रोजगार वाढवला जाईल, असे मुख्यमंत्र्यांनी म्हटले आहे.
तासाभराचा प्रवास
भाऊचा धक्का ते मांडवा हे १९ किलोमीटरचे समुद्री अंतर एका तासात कापता येईल. रस्त्याने जाण्यासाठी मात्र चार तास लागतात. एका वेळी ५०० प्रवासी आणि १४५ वाहने नेण्याची रो पॅक्‍सची क्षमता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.