मुंबईत पाऊस येण्याआधी करण्यात आलेल्या नालेसफाईच्या कामावर मोठ्या प्रमाणात खर्च झाला. या कामात मोठ्या प्रमाणात भ्रष्टाचार व महापालिका प्रशासनाचा हलगर्जीपणा झाल्याचे आरोप केले जात आहेत. यादरम्यान राज्यात मान्सून पुन्हा सक्रिय झाल्यानंतर झालेल्या पहिल्याच पावसात मुंबईतील अनेक सखल भागात पाणी साचले. तसेच मुंबईतील नाले तुंबल्याने रस्त्यावर पाणी आलं आहे, त्यामुळे पुन्हा एकदा नालासफाई वरून राजकारण तापताना दिसत आहे.
मुंबई भाजपचे अध्यक्ष आशिष शेलार यांनी तुंबलेल्या गटारावरून उद्धव बाळासाहेब ठाकरे गटावर हल्ला चढवला आहे.
जेव्हा मुंबईत नालेसफाई सुरू होती, भाजपाने उन्हातान्हात उतरुन पहाणी करुन नालेसफाईची कामे असमाधानकारक झाल्याचे निदर्शनास आणून दिले होते, असे शेलार म्हणाले आहेत. त्यांनी उद्धव ठाकरे गटावर अनेक गंभीर आरोप त्यांनी ट्वीटच्या माध्यमातून केले आहेत.
वर्षानुवर्षांचे तेच कंत्राटदार, तीच पध्दत, तीच अपारदर्शकता, अधिकाऱ्यांची तीच लपवाछपवी, त्यामुळे कालच्या पहिल्या पावसातच पालिकेचे दावे वाहून गेले आहेत असे शेलार म्हणाले आहेत. तसेच पालिकेने अजूनही कंत्राटदारांची बाजू न घेता, काही उपाययोजना करता आल्या तर करव्यात. वर्षानुवर्षे पालिकेने कंत्राटदारांची काळजी केली, आता मुंबईकरांची काळजी करावी!
"बाकी, मुंबईकरांचे तथाकथित रखवालदार उबाठा (उद्धव बाळासाहेब ठाकरे)चे माजी नगरसेवक, माजी महापौर या काळात गायब होते आणि उबाठा प्रमुख लंडनमध्ये तेव्हा थंड हवा खात होते. त्यामुळे उबाठाने वर्षानुवर्षे पोसलेल्या कंत्राटदारांमुळे यावर्षीच्या पावसाळ्यात मुंबईत जी परिस्थिती उद्भवेल त्यावेळी उबाठा गटाने आपल्या तोंडाची "गटारे" बंदच ठेवावीत! उबाठा आणि उबाठाचे पाळीव कंत्राटदार हा जो एक "परिवार" तयार झालाय, तोच मुंबईकरांचा खरा गुन्हेगार!" अशा शब्दात शेलारांनी उध्दव ठाकरे याच्यावर निशाणा साधला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
