- सुशांत सावंत
मुंबई: भाजपाचे नेते आणि आमदार आशिष शेलार (Asish shelar) यांनी आज कृष्ण कुंजवर जाऊन महाराष्ट्र नवनिर्माण सेनेचे अध्यक्ष राज ठाकरे (Raj thackeray) यांची भेट घेतली. दिवाळीमध्ये (Diwali) झालेली ही सदिच्छा भेट असल्याचे सांगण्यात येत असले, तरी आगामी मुंबई महापालिका निवडणुका (Bmc Election) आता दूर नाहीत. त्यामुळे अपेक्षेप्रमाणे राजकीय वर्तुळात या भेटीमागे तर्क-वितर्क लावले जातील. राजकीय अर्थ काढले जाणार, हे निश्चित आहे.
राज ठाकरे नुकतेच कोरोनातून बरे झाले आहेत. आज पाडव्याच्या मुहूर्ताला ते नव्या घरी शिफ्ट होणार असल्याची चर्चा आहे. राज ठाकरे यांनी कृष्ण कुंजच्या शेजारीच नवे घर बांधले आहे. राज ठाकरे आणि आशिष शेलार हे परस्परांचे चांगले मित्र सुद्धा आहेत. शिवसेनेने भाजपाची साथ सोडल्यामुळे भाजपा नव्या मित्राच्या शोधात आहे. भाजपा-मनसे युती होऊ शकते, अशी चर्चा बऱ्याच दिवसांपासून सुरु आहे.
युतीचा पहिला प्रयोग मुंबई महापालिका निवडणुकीत होऊ शकतो. मराठीचा मुद्दा लावून धरणाऱ्या मनसेने आता हिंदुत्वाची वाट धरली आहे. भाजपही हिंदुत्वाच्या विचारसरणीला मानणारा पक्ष आहे. त्यामुळे हिंदुत्व दोन्ही पक्षांना जोडणार समान धागा आहे.
पुढच्यावर्षाच्या सुरुवातील फेब्रवारी महिन्यात मुंबई महापालिका निवडणूक होणार आहे. काहीही करुन शिवसेनेला पालिकेत सत्तेतून खाली खेचण्याचा चंग भाजपाने बांधला आहे. त्या दृष्टीने भाजपा आखणी करत आहे. भाजप-मनसे एकत्र आल्यास शिवसेनेसमोर निश्चित आव्हान निर्माण होऊ शकते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
