मुंबई : शिवसेना नेते, खासदार संजय राऊत यांच्या विरोधात बेताल वक्तव्य केल्या प्रकरणी भाजप आमदार नितेश राणे अखेर काल (ता.२६) माझगाव न्यायालयात हजर झाले. अजामीनपात्र वॉरंट प्रकरणी अटक टळली असली तरी न्यायालयाने त्यांना १०० रुपायांचा दंड ठोठावत पुढील सुनावणीला हजर राहण्यास बजावले आहे.
आमदार नितेश राणे यांनी बदनामीकारक वक्तव्य केल्या प्रकरणी खासदार राऊत यांनी त्यांच्या विरुद्ध अब्रुनुकसानीच्या खटला दाखल केला आहे. त्या खटल्यात वारंवार समन्स बजावल्यानंतरही नितेश राणे न्यायालयात गैरहजर राहिल्याने दंडाधिकार्‍यांनी ३० जानेवारी रोजी नितेश राणें विरोधात अजामीनपात्र वॉरंट काढले.
याप्रकरणी अटक टाळण्यासाठी नितेश राणेंनी वॉरंट रद्द करण्याची मागणी करत सत्र न्यायालय व त्यानंतर उच्च न्यायालयात धाव घेतली. उच्च न्यायालयाने त्यांची विनंती अमान्य करत २६ फेब्रुवारी रोजी माझगाव न्यायालयात हजर राहावेच लागेल, असे निर्देश दिले होते त्यानुसार आज दंडाधिकारी न्यायालयात नितेश राणे हजर होते. महानगर दंडाधिकारी संग्राम काळे यांच्यासमोर राणे उपस्थित राहिल्यानंतर न्यायालयाने त्यांना १५ हजारांच्या जातमुचलक्यावर जामीन मंजूर केला तसेच अजामीनपात्र वॉरंट रद्द केले. याप्रकरणाची पुढील सुनावणी १३ मार्च रोजी होणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.