सांगा, संजय राऊत कोणाचं थोबाड फोडलं पाहिजे - चित्रा वाघ

मुंबई: डोंबिवलीत (Dombivali) अल्पवयीन मुलीवर झालेल्या बलात्कार (Rape) प्रकरणी भाजपाच्या नेत्या चित्रा वाघ (Chitra wagh) यांनी ठाकरे सरकारवर जोरदार टीका केली आहे. "महिला, मुलींवर होणाऱ्या अत्याचाराला अटकाव करण्याची राज्य सरकारची जबाबदारी आहे. हा सामाजिक प्रश्न आहे. सरकार जबाबदारी झटकू शकत नाही. अजून महिला आयोगाला अध्यक्ष नाही. शक्ती कायद्याचा अतापता नाही" अशी टीका चित्रा वाघ यांनी केली आहे.

"राज्यात बलातकाऱ्यांना राजाश्रय दिला जातोय. त्यामुळे विकृतांचं मनोबल वाढताना दिसतय. त्यामुळेच राज्यातील महिला आणि मुली बळी पडतायत. अतिशय दुर्देवी, संतापजनक आणि चीड आणणारी गोष्ट आहे. १४ वर्षाच्या मुलीवर ३० जणांनी त्याठिकाणी सामूहिक बलात्कार केला. मला भीती आहे, येणाऱ्या दिवसात हा आकडा वाढण्याची शक्यता नाकारता येत नाही" असे चित्रा वाघ म्हणाल्या.

"रोजची कायदा-सुव्यवस्था ढासळत आहे. म्हणूनच विशेष अधिवेशन बोलवण्याची आम्ही मागणी केली होती. ज्याला अतिशय वाईट पद्धतीने मुख्यमंत्र्यांनी उत्तर दिलं" असं चित्रा वाघ म्हणाल्या. "मला सर्वज्ञानी संजय राऊतांना विचारायच आहे, त्यांनी राज्यपालांना सांगितलं, विरोधकांच थोबाड फोडायला पाहिजे. मला आता संजय राऊतांना विचारायच आहे, कोणाचं थोबाड फोडलं पाहिजे. तुमच्यात सरकारच थोबाड फोडण्याची हिम्मत आहे का? सरकारला प्रश्न विचारण्याची हिम्मत आहे का?" असा सवाल विचारला.