Bhiwandi News: बकरी ईद साठी आणलेला रेडा घेऊन जात असताना तो मोकळा सुटल्याने त्याने रस्त्यावरील चार जणांना जखमी केले आहे. या घटनेत जखमी महिला सुबशरा शकील अहमद अन्सारी यांनी भोईवाडा पोलीस ठाण्यात रेडा मालका विरोधात गुन्हा दाखल केला आहे.
शहरातील दर्गारोड येथील ताहीर कंपाउंड समोर राहणारा तारीफ फारुखी याने बकरी ईद साठी आणलेला रेडा योग्यरितीने बंदिस्त करून न ठेवल्याने तो रेडा रस्त्यावरून जाणाऱ्या नागरिकांच्या अंगावर जाऊन त्यांच्या पोटात शिंग घुसवून त्यांना जखमी केले. असे या रेड्याने चार जणांना जखमी केले आहे.
त्या जखमींपैकी सुबशरा शकील अहमद अन्सारी हि २० वर्षाची तरुणी आपल्या आत्याच्या घरी चालत जात होती. ती टिपू सुलतान चौक येथील डॉक्टर इम्तियाज यांच्या दवाखान्या जवळ आली असता त्या रेड्याने तिच्या पोटात शिंग घुसवून तिला जखमी केले.
या प्रकरणी सुबशरा अन्सारी हिने भोईवाडा पोलीस ठाण्यात रेडा मालक तारीफ फारुखी याच्या विरोधात गुन्हा दाखल केला आहे. पुढील तपास पोउनि आनंद राठोड हे करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
