मुंबई : राज्यातील सध्याचं सरकार हे केवळ घोषणा करणारं सरकार असून ते महाराष्ट्राला अधोगतीकडं नेणारं सरकार आहे, अशा शब्दांत काँग्रेस नेते नाना पटोले यांनी सडकून टीका केली आहे. छत्रपती संभाजीनगर इथं आज राज्य मंत्रिमंडळाची बैठक होत आहे, यापार्श्वभूमीवर काँग्रेसनं सरकारवर निशाणा साधला आहे. (Cabinet Meeting at Sambhaji Nagar Maharashtra Congress leader Nana Patole criticizes)
पटोले म्हणाले, या सरकारकडून अपेक्षा करू नये अशा पद्धतीचं चित्र आज निर्माण झालं आहे. देवेंद्र फडणवीसांनी मुख्यमंत्री असताना मराठवाड्याच्या विकासासाठी 42 हजार कोटींची घोषणा केली होती, याचं पुढे काय झालं याचा हिशोब त्यांनी दिला पाहिजे. तसेच फाईव्ह स्टार हॉटेलमध्ये बैठक घेण्याऱ्या सरकारचा निषेध करतो, असंही त्यांनी म्हटलं आहे. (Latest Marathi News)
महाविकास आघाडीच्या अडीच वर्षांच्या कालावधीत उद्योगधंद्यांमध्ये 35 टक्के वाढ झाली, 42 टक्के रोजगार निर्मिती झाली, असा दावाही यावेळी पटोले यांनी केला. त्यावेळी राज्याचे मुख्यमंत्री उद्धव ठाकरे होते, त्यांनी विकासाच्या दृष्टीनं जी पाऊलं उचलली त्यामुळं महाराष्ट्र विकासाकडं गेला. (Marathi Tajya Batmya)
सध्याच्या महायुती सरकारच्या काळात उद्योगधंदे गुजरातला गेले, महाराष्ट्राचा औद्योगिक विकास कमी झाला. त्यामुळं हे सरकार केवळ घोषणा करणारं सरकार आणि अधोगतीकडं नेणारं सरकार आहे, अशा शब्दांत नाना पटोले यांनी त्यांच्यावर टीका केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
