मुंबई- बदलापूरमधील लैंगिक अत्याचार प्रकरणातील आरोपी अक्षय शिंदे याच्या कथित एन्काऊंटर संदर्भात आज कोर्टासमोर सुनावणी झाली. यावेळी सरकारी वकिलांनी सरकारची बाजू मांडली. कोर्टाने सरकारच्या वकिलावर ताशेरे ओढले आहेत. तुम्ही जे सांगताय हे विश्वास ठेवण्यासारखं नाही असं म्हणत कोर्टाने अक्षय शिंदे एनकाऊंटर प्रकरणी संशय व्यक्त केला आहे.
हे एन्काऊंटर म्हणता येणार नाही. हे एन्काऊंटर नाही असं म्हणत कोर्टानं पोलीस कारवाईवर प्रश्न उपस्थित केला आहे.ज्या पोलीस अधिकाऱ्यानं गोळी मारली.त्यानं कमरेच्या खाली गोळी मारली पाहिजे होती.कितीच्या बँचचे ते पोलीस अधिकारी आहेत. १९९२ च्या पोलीस बँचचे अधिकारी आहेत का? तुम्ही फायर करताना पायावर, हातावर केलं पाहिजे होतं. चार पोलीस अधिकारी असताना आरोपी कसा काय आक्रमक होऊ शकला? असा सवाल कोर्टाने केला.
कोर्टाने सुनावणी घेताना सरकारी वकिलांवर प्रश्नांचा भडिमार केला. ही घटना रहिवाशी भागात झाली का? यावर वकिलांनी उत्तर दिलं की, घटना मुंब्रा भागात झाली, एका बाजूला रहिवाशी भाग आहे, तर दुसरीकडे टेकडी आहे.
आरोपीवर हल्ल्याप्रकरणी एफआयआर कधी झाला असा सवाल कोर्टाने केला. यावर वकील म्हणाले की, पहाटे ५.४० वाजता झाला. घटनेचं ठिकाण तुम्ही पुराव्यासाठी सिल केलं होतं का? आरोपीनं पिस्तुल वापरलं की रिव्हॉल्वर? पिस्तौल लोडेड होतं का? मग आरोपीनं ते कसं काय घेतलं? असं कोर्टाने म्हटलं. यावर वकील म्हणाले की, पिस्तौलला लॉक नव्हतं.
यावर कोर्ट म्हणाले की, तुम्ही जे सांगताय ते सत्य मानायला कठीण आहे. साधा माणूस पिस्तौल वापरु शकत नाही. त्याला ताकद लागते.पिस्तौल लॉक का नव्हतं? जर एखादा आरोपीला असं घेऊन जाता तर इतका निष्काळजीपणा का? पिस्तौलवर आरोपीच्या हाताच्या खुना असायला पाहिजेत. याबाबतचा अहवाल पुढच्या सुनावणीत सादर करा, असं कोर्टाने सांगितलं.
आरोपीनं तीन बुलेट झाडल्या. एक पोलिसाला लागली तर दुसऱ्या दोन बुलेट कुठे आहेत? या प्रश्नावर सरकारी वकील म्हणाले की,पोलिस अधिकाऱ्याला मांडीला जखम झाली आहे. जखमी पोलीस अधिकाऱ्याचे हाताच्या पंज्याचे नमूने आजच घ्या, असं कोर्टाने सांगितलं आहे. कोर्टाने यावेळी सर्व सीसीटीव्ही ताब्यात घेण्यास सांगितलं आहे. तसेच ,आरोपीला नेत असताना बुरखा घालण्यात आला नव्हता, असं देखील कोर्ट म्हणालं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
