मुंबई येथील सायनमध्ये कार दुभाजकाला (डिवायडर) ला धडकून झालेल्या भीषण अपघातात दोघांचा मृत्यू झाला. मिळालेल्या माहितीनुसार, या अपघातानंतर गाडीने पेट घेतला आणि दोन भावांचा या पेटलेल्या कारमध्ये होरपळून मृत्यू झाला.
गाडी दुभाजकाला धडकल्याने गाडीचे दरवाजे लॉक झाले, तसेच गाडीने पेट घेतल्याने दोघा भावांना कारच्या बाहेर पडण्याची संधी मिळाली नाही. अखेर अपघातानंतर कारला लागलेल्या आगीत होरपळून दोघे मृत्यूमुखी पडले, तर इतर दोघे अत्यवस्थ आहेत. अजय वाघेला आणि प्रविण वाघेला असे दोघा भावांची नावे आहेत.
अपघातानंतर अग्निशमन दलाचे जवान घटनास्थळी पोहचण्यापूर्वीच गाडी आगीत जळून खाक झाली होती. घाटकोपरला पार्टी करून मरीना ड्राईव्हला फेरफटका मारण्यासाठी जात असताना हा अपघात झाल्याचे सांगण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
