डोंबिवली : ठाकुर्ली कल्याण रेल्वे स्थानकादरम्यान आज दुपारी अडीचच्या दरम्यान ओव्हरहेड वायर तुटल्याने मध्य रेल्वेची वाहतूक विस्कळीत झाली. कर्जत कसाऱ्याच्या दिशेने जाणारी वाहतूक यामुळे तब्बल एक तासापासून ठप्प झाली आहे. यामुळे प्रवाशांचे मोठ्या प्रमाणात हाल होत आहेत
रेल्वे प्रशासनाकडून ओव्हरहेड वायर दुरुस्तीचे काम सुरू आहे. यावेळी स्टेशनवर मोठ्या प्रमाणात गर्दी झाल्याचे पाहायला मिळाले. दरम्यान ओव्हरहेड वायर तुटल्याने मोठा आवाज झाल्याने ट्रेन मधून प्रवास करणारे प्रवासी खूप घाबरले. ठाकुर्ली रेल्वे ट्रॅकवर गाडी थोडी स्लो होताच घाबरलेल्या प्रवाशांनी चालू ट्रेन मधून खाली उतरून रेल्वे प्रवाशी लोकलमधून उतरुन प्रवास सुरू केला आहे. पुढील काही वेळात सदर दुरुस्तीचे काम पूर्ण होऊन विस्कटलेली रेल्वे वाहतूक व्यवस्था पूर्व पदावर येईल असा विश्वास रेल्वे अधिकाऱ्यांनी व्यक्त केला आहे.
दरम्यान लोकलची वाहतूक विस्कळीत झाल्याने प्रवाशांना मनस्ताप सहन करावा लागला. यामुळे कल्याणहून ठाणे-मुंबई कडे जाणारी तर ठाण्याहून कर्जत-कसाराकडे जाणाऱ्या वाहतुकीवर याचा परिणाम होऊ शकतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
