मुंबई- मध्य रेल्वेची वाहतूक विस्कळीत झाली आहे. मुंब्रा दिवा दरम्यान एसी लोकल बंद पडली आहे. दादरहून बदलापूरला जाणारी एसी लोक मार्गात बंद पडल्याने प्रवाशांना मनस्ताप सहन करावा लागत आहे. मिळालेल्या माहितीनुसार, गेल्या अर्धा तासापासून वाहतूक बंद आहे. बिघाड दुरुस्त करण्याचे काम सुरु आहे. वाहतूक सुरळित होण्यासाठी आणखी काही वेळ लागण्याची शक्यता आहे.
मुंब्रा दिवा दरम्यान एसी लोकल बंद पडल्याने मोठा खोळंबा निर्माण झाला. दादरहून बदलापूरकडे ही लोकल जात होती. मध्येच लोकलमध्ये तांत्रिक बिघाड निर्माण झाला. त्यामुळे वाहतूक ठप्प झाली. मागून घेणाऱ्या रेल्वे थांबवण्यात आल्या, काही रेल्वे दुसऱ्या मार्गाने वळवण्यात आल्या. घटनेची माहिती मिळताच रेल्वे कर्मचारी रेल्वे दुरुस्तीसाठी पोहोचले होते. या सर्व प्रकारामुळे मध्ये रेल्वेवरून प्रवास करणाऱ्या प्रवाशांना त्रासाला सामोरे जावे लागले.
