मुंबई - राज्यातील अनेक धक्कादायक घडामोडीनंतर एकनाथ शिंदे गट आणि देवेंद्र फडणवीस सरकार सत्तेत आलं. त्यातही धक्कादायक बाब म्हणजे मुख्यमंत्री एकनाथ शिंदे यांच्या गळ्यात मुख्यमंत्रीपदाची माळ पडली. त्यामुळे सर्वांनाच आश्चर्य वाटलं होतं. मात्र मुख्यमंत्रीपदाची शपथ घेतल्यानंतर ४० दिवसानंतर एकनाथ शिंदे आज वर्षा बंगल्यावर राहण्यास दाखल झाले आहे. वर्षा बंगला हा मुख्यमंत्र्यांसाठी राखीव असतो. (Eknath Shinde News in Marathi)
राज्यातील महाविकास आघाडी सरकार कोसळणार हे निश्चित झाल्यानंतर उद्धव ठाकरे यांनी राजीनामा देण्यापूर्वीच वर्षा बंगला सोडला होता. त्यावेळी शिवसैनिकांनी मोठी गर्दी केली होती. आता आज अखेर एकनाथ शिंदे वर्षा बंगल्यावर दाखल झाले आहेत.
मुख्यमंत्री एकनाथ शिंदे आणि शिवसेना पक्षप्रमुख उध्दव ठाकरे यांच्यातील सत्तासंघर्षाची सुनावणी सुनावणी आता २२ ऑगस्ट रोजी होणार आहे. त्यामुळे सत्तासंघर्ष रेंगाळणार अशी चिन्हे आहेत. १२ ऑगस्ट रोजी ही सुनावणी पार पडणार होती. मात्र आता ती १० दिवस लांबणीवर पडली आहे.
आतापर्यंत शिंदे-ठाकरे वादासंदर्भातील पाच याचिका सर्वोच्च न्यायालयात दाखल आहेत. मात्र यावर अद्याप कुठलाही निर्णय झालेला नाही. त्यातच सरन्यायाधीश एन.व्ही. रमना हे २६ ऑगस्टला निवृत्त होणार आहेत. त्यामुळे शिंदे-ठाकरे वाद रेंगाळणार अशी शक्यता निर्माण झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
