'या' ठिकाणी घेतली जातेय कामगारांची उत्तम काळजी 

मुंबई : मुंबईतील मेट्रो 3 या प्रकल्पस्थळी काम करणाऱ्या एकूण 9750 कामगारांना एमएमआरसीकडून स्वच्छतेचे धडे दिले जात आहे. या कामगारांना सामाजिक अंतर म्हणजे काय, त्याचे फायदे काय, स्वच्छता कशी राखावी आदी गोष्टींबाबत सविस्तर मार्गदर्शन करण्यात आले. या सर्व कामगारांच्या आरोग्याच्या दृष्टीने सर्वतोपरी काळजी प्रशासनाकडून घेतली जात आहे.

हेही वाचा...तुमची कार व्हायरसला 'अस' संपवणार 
 

कोरोनाचा प्रादुर्भाव होण्याची भीती लक्षात घेऊन मुंबई मेट्रो रेल कॉर्पोरेशनतर्फे ( एमएमआरसी ) आपल्या 51 ठिकाणी 9750 कामगारांची राहण्याची सोय केली आहे. एमएमआरडीएचे आयुक्त आर.ए. राजीव यांनी व्हिडिओ कॉन्फरन्सिंगद्वारे सर्व विभागाच्या मुख्य अधिका-यांची बैठक घेतली आणि मजुरांसाठी आवश्यक ती सर्व व्यवस्था करण्याचे आदेश दिले. त्यानुसार  मेट्रो 3 च्या भूमिगत प्रकल्पाची कामे करणाऱ्या कामगारांना , सामाजिक अंतराबाहेरचे धडे या रोगापासून त्यांचे संरक्षण करण्यासाठी मजुरांना शिकवले जात आहेत.

छावणीतून बाहेर येऊ नये म्हणून तिथे सर्व रेशन किंवा अन्न पुरवले जात आहे. त्याचबरोबर छावणीत रोजच्या मजुरांच्या आरोग्याचीही तपासणी केली जात आहे. तसेच कुलाबा-वांद्रे-सीप्झ' मेट्रो 3 भूमिगत प्रकल्प स्थळी गर्दी होऊ नये यासाठी पाच टक्केच कामगार कामे करत आहे . या कामगारांना एमएमआरसीकडून मास्क , सॅनिटायझर , कामगार निवासी भागाची स्वच्छता या सर्व आवश्यक पाऊले उचलली जात आहे. 

हेही वाचा...कोरोनापासून आईही मुलाचे संरक्षण करू शकते 

 कामगारांच्या आरोग्याची तसेच सामाजिक अंतरांच्या नियमांचे पालन करण्यासाठी नियमितपणे त्यांची तपासणी केली जाते. सर्व अन्न इत्यादींसाठी योग्य व्यवस्थाही करण्यात आली आहे असे एमएमआरसीए अधिकाऱ्यांकडून सांगण्यात आले  आहे.