खराब हवा आणि प्रदूषणाचा परस्पराशी संबंध, संशोधनातून आलं समोर

मुंबई: खराब हवा आणि कोविड संसर्गाचा परस्परांशी संबंध असल्याचं नव्या संशोधनातून समोर आलं आहे. हवेचा खराब दर्जा (Poor air quality) आणि प्रदूषित कणांचं मोठ्या प्रमाणात होणारं उत्सर्जन PM (2.5) यामुळे कोविड संसर्गाची बाधा (pollution & corona virus) आणि मृत्यू होतात. देशातील चार संस्थांनी केलेल्या संयुक्त अभ्यासातून ही बाब समोर आलीय. हवा प्रदूषण (pollution increase covid cases) आणि कोविडचा परस्पराशी संबंध असल्याचं पहिल्यांदाच स्पष्ट झालय. (Co relation between Poor air quality & covid cases new study finding)

भारतातील सर्व राज्यात PM (2.5) म्हणजे प्रदूषित कणांचं मोठ्या प्रमाणात उत्सर्जन आणि कोविड १९ चे रुग्ण यांचा परस्परांशी संबंध असल्याचं संख्यात्मक विश्लेषणातून सिद्ध झालं आहे. उत्कल विद्यापीठ, आयआयटीएम, भुवनेश्वरची आयआयटी आणि अन्य संस्थांनी मिळून हा अभ्यास केला. भारत सरकारच्या पृथ्वी आणि विज्ञान मंत्रालयाने संशोधनासाठी काही प्रमाणात निधी उपलब्ध करुन दिला. हिंदुस्थान टाइम्सने हे वृत्त दिलय.

जिल्हा स्तरीय हवा प्रदूषणाचा डाटा आणि कोविडचा परस्परांशी संबंध असल्याचं दिसून आलंय. ज्या भागामध्ये मोठ्या प्रमाणात पेट्रोल, डिझेल आणि कोळसा या जीवाश्म इंधनाचा वापर होतो आणि औद्योगिक कारखाने चालतात, त्या भागात मोठ्या प्रमाणात कोविड केसेस आढळल्या, असे सरोज कुमार साहू यांनी सांगितले. उत्कल विद्यापीठात ते सहाय्यक प्राध्यापक असून संशोधनात त्यांची महत्त्वाची भूमिका होती.