सबस्क्राईब करा
मुंबई- दोन दिवसांपूर्वी उद्धव ठाकरे आणि उपमुख्यमंत्री देवेंद्र फडणवीस यांची लिफ्टजवळ भेट झाली होती. या भेटीवरून राजकीय वर्तुळात चांगलाच धुराळा उडाला होता. आता देवेंद्र फडणवीस आणि आदित्य ठाकरे यांची लॉबीमध्ये भेट झाली आहे. यावेळी विधान परिषद विरोधी पक्षनेते अंबादास दानवे हे देखील उपस्थित होते. त्यांच्या या भेटीची आता चर्चा सुरु झाली आहे.
विधानपरिषदेच्या उमेदवारांचे अर्ज भरले जात होते. यावेळी आदित्य ठाकरे आणि देवेंद्र फडणवीस हे समोरासमोर आले होते. यावेळी या दोघांमध्ये हास्यविनोद झाला. दोघांनी एकमेकांना शुभेच्छा देखील दिल्या आहेत. काही सेकंदाची ही भेट होती. पण, या भेटीमुळे राजकीय वर्तुळात चर्चांना सुरुवात झाली आहे.
आदित्य ठाकरे आणि देवेंद्र फडणवीस यांची लॉबीमध्ये ही भेट होत असतानाच दुसरीकडे आणखी एक भेट महत्त्वाची ठरली. उद्धव ठाकरे यांचे विश्वासू मिलिंद नार्वेकर आणि भाजप नेते प्रवीण दरेकर यांची भेट झाली आहे. नुसतीच भेट नाही तर एकमेकांच्या खांद्यावर हात टाकून दिर्घ चर्चा देखील झाली आहे. त्यामुळे राज्याच्या राजकारणात नेमकं काय सुरु आहे असा प्रश्न पडत आहे.
उद्धव ठाकरे आणि देवेंद्र फडणवीस यांच्यात झालेल्या भेटीमुळे चांगलीच चर्चा झडली होती. यावेळी प्रवीण दरेकर देखील उपस्थित होते. ठाकरे आणि फडणवीस यांच्यामध्ये हास्यविनोदाच्या वारंवार घडत आहेत. त्यामुळे हा योगायोग चर्चेचा विषय ठरला आहे. शिवाय, 'नाना करते प्यार तुम्ही से कर बैठे' असं काही आमच्यात होणार नाही अशा प्रकारची मिश्कील टिप्पणी उद्धव ठाकरे यांनी दिली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.