Railway News: मध्य रेल्वेचा महत्वाचा निर्णय; या विशेष गाड्या होणार नाहीत बंद!

Railway News: प्रवाशांची वाढती गर्दी लक्षात घेऊन मध्य रेल्वेकडूनन विशेष गाड्यांच्या सेवेचा कालावधी वाढविण्यात आला आहे.

यामध्ये छत्रपती शिवाजी महाराज टर्मिनस- नागपूर द्वि-साप्ताहिक विशेष ,नागपूर - पुणे साप्ताहिक विशेष या गाड्यांचा समावेश आहे.विशेष गाड्यांच्या सर्व वाढीव फेऱ्यांसाठी विशेष शुल्कासह आरक्षण १३ फेब्रुवारी पासून सर्व संगणकीकृत आरक्षण केंद्रांवर आणि रेल्वेच्या संकेतस्थळावर उपलब्ध आहे.

ट्रेन क्रमांक 02139 छत्रपती शिवाजी महाराज टर्मिनस- नागपूर द्वि-साप्ताहिक विशेष गाडी १५.०२.२०२४ पर्यंत चालविण्यात येणार होती. आता ही गाडी ३०.०५.२०२४ (३० फेऱ्या) पर्यंत चालविण्यात येत आहे. ट्रेन क्रमांक 02140 नागपूर - छत्रपती शिवाजी महाराज टर्मिनस द्वि-साप्ताहिक विशेष गाडी १७.०२.२०२४ पर्यंत चालविली जाणार होती परंतु आता ०१.०६.२०२४ (३० फेऱ्या) पर्यंत फेऱ्या वाढविण्यात येत आहे.

ट्रेन क्र. 02144 नागपूर - पुणे साप्ताहिक विशेष गाडी १५.०२.२०२४ पर्यंत चालविली जाणार होती, आता ३०.०५.२०२४ (१५ फेऱ्या) पर्यंत वाढविण्यात येत आहे. ट्रेन क्रमांक 02143 पुणे- नागपूर साप्ताहिक विशेष गाडी १६.०२.२०२४ पर्यंत ऐवजी आता ३१.०५.२०२४ (१५ फेऱ्या) पर्यंत वाढविण्यात येत आहे.