मुंबई: मुंबईतील 70 टक्के रुग्णांनी आता पर्यंत कोविडवर मात केली असून रुग्ण वाढीचा दर 1.35 टक्क्यांवर पोहचला. मात्र, मृत्यूदर आजही 5.72 टक्के आहे. जग, अमेरिका, भारत आणि महाराष्ट्र पेक्षाही हा जन्मदर जास्त आहे.राज्यातील मृत्यूदर 3.96 टक्के आहे.
मुंबईत मंगळवारपर्यंत 92 हजार 193 रुग्णांची नोंद झाली आहे. त्यातील 65 हजार 466 रुग्णांनी कोविडवर मात केली तर 5 हजार 450 रुग्णांचा मृत्यू झाला आहे. 21 हजार 450 रुग्णांवर सध्या उपचार सुरु आहेत.
कोविड संक्रमण कमी करण्यासाठी पालिका आयुक्त इक्बास सिंह चसल यांनी 22 रोजी शीघ्रकृती योजना जाहीर केली. यात संशयीत रुग्ण शोधून त्यांची चाचणी विलगीकरण तत्काळ उपचार सुरु करण्यात येत आहेत. यामुळे कोविडचे संक्रमण रोखण्या बरोबरच मृत्यूदर ही कमी होणार होता.
22 जून रोजी मुंबईत कोविडचे रुग्ण दुप्पट होण्याचा कालावधी 37 दिवसांचा होता. तर 14 जूलै पर्यंत हा कालावधी 52 दिवसांवर आला आहे.असा दावा महापालिकेने केला. मात्र, मृत्यूदर आजही 5 टक्क्यांच्या पुढे आहे.अमेरिकेचा मृत्यूदर 4 ते 5 टक्क्या दरम्यान आहे. जगाचा 4.37,देशाचा 2.57 आणि महाराष्ट्राचा 3.96 टक्के आहे.
महापालिकेने दिलेल्या महितीनुसार 1 जूलै रोजी 57 टक्के रुग्णांनी कोविडवर मात केली होती.तर आज ही संख्या 70 टक्क्यांंपर्यत पोहचली आहे.
मृत्यूदराचे हॉटस्पॉट:
चेंबूर - 8.57 टक्के
वांद्रे पुर्व - 8.50 टक्के
कुर्ला - 8.38 टक्के
सर्वात कमी मृत्यूदर:
कांदिवली -- 2.77 टक्के
मुलूंड -- 2.98 टक्के
बोरीवली -- 3.12 टक्के
संपादन : अथर्व महांकाळ
corona is in control in mumbai but there is something to worry
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.