मुंबई : दुसऱ्या लाटेच्या तुलनेत संभाव्य तिसऱ्या लाटेत (corona third wave) दिड पट रुग्ण अधिक आढळतील (corona patients increases) असा अंदाज तज्ज्ञांनी (experts opinion) व्यक्त केला आहे. जागतिक आरोग्य संघटना (WHO) आणि भारत सरकारच्या (Indian government) सार्वजनिक आरोग्य विषयक तज्ज्ञांनी भारतात आणि राज्यात कोविड आजाराची तिसरी लाट येण्याबाबतचा अंदाज वर्तवला आहे.
प्रत्येक जिल्ह्यांमध्ये दुसऱ्या लाटेच्या वेळी सर्वाधिक रुग्ण कधी होते त्याची नोंद घेऊन त्याच्या दीडपट रुग्ण तिसऱ्या लाटेमध्ये आढळतील अशी शक्यता वर्तवण्यात आली आहे. त्यामुळे, राज्य सरकारने सर्वतोपरी तयारी सुरु केली आहे. या एकूण रुग्णांपैकी 65 टक्के रुग्ण हे घरगुती विलगीकरणात असतील त्यांना रुग्णालयात दाखल करुन घेण्याची गरज भासणार नाही. 35 टक्के रुग्णांना रुग्णालयामध्ये भरती करण्याची आवश्यकता भासेल या 35 टक्के रुग्णांपैकी 17.5 टक्के रुग्ण खासगी रुग्णालयांमध्ये उपचार घेतील तर, 17.5 टक्के रुग्ण सार्वजनिक आरोग्य संस्थांमध्ये उपचार घेतील.
या 17.5 टक्के रुग्ण संख्येस आठ टक्के रुग्णांसाठी समर्पित कोविड रुग्णालयांमध्ये डीसीएच खाटा उपलब्ध करण्यात येतील. चार टक्के व्हेंटिलेटर आणि चार टक्के ऑक्सिजन बेड्स असे हे प्रमाण असेल. तसंच, या रुग्णांसाठी 32 टक्के ऑक्सिजन बेड निर्माण करण्यात येतील. त्यासाठी आठ टक्के ऑक्सिजन बेड्स समर्पित कोविड रुग्णालयांमध्ये डीसीएच तर 24 टक्के ऑक्सिजन बेड हे समर्पित कोविड आरोग्य केंद्रात डीसीएचसी असतील.
लहान मुलांसाठी ही तयारी
तिसऱ्या लाटेमध्ये लहान मुलांचे प्रमाण लक्षणीय असेल अंदाज लक्षात घेता लहान मुलांसाठी काही खाटा आरक्षित करण्यात येतील. समर्पित कोविड रुग्णालयांमध्ये पाच टक्के, समर्पित कोविड आरोग्य केंद्रांमध्ये दहा टक्के आणि समर्पित कोविड निगा केंद्रात 15 टक्के खाटा लहान मुलांसाठी राखीव ठेवण्यात येतील. ऑक्सिजन वितरणासाठी ऑक्सिजनची उपलब्धता ऑक्सिजन जनरेशन ऑक्सिजन स्टोरेज या दोन प्रकारे करण्यात येणार आहे.
कोविड 19 उपचारांसाठी एकूण सुविधा
एकूण संस्था - 6,726
विलगीकरणासाठी एकूण खाटा - 4,66,451
ऑक्सिजन खाटा - 1,21,338
आयसीयु खाटा - 35,555
व्हेंटिलेटर खाटा - 13,844
बाल रुग्णांसाठी उपलब्ध सुविधा
एकूण संस्था - 6,726
विशेष बाल रुग्णालये ( स्टँडअलोन) - 113
विलगीकरणासाठी एकूण खाटा - 26,720
ऑक्सिजन खाटा - 9,050
नवजात शिशु एनआयसीयू - 1,160
बालकांसाठी ( पीआयसीयु) - 2,335
एकूण - 3,495
व्हेंटिलेटर खाटा - 1188
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
