मुंबई : कोरोनामुळे (corona) लावण्यात आलेल्या लॉकडाऊनवर (lock down) पश्चिम रेल्वेने (western railway) मात करून पायाभूत सुविधांची (basic Facilities) वाढ करत आहे. पश्चिम रेल्वे विविध संस्थांशी समन्वय साधून सुरक्षाबाबींची उभारणी करत आहे. नुकताच वांद्रे - खार रोड (Bandra-khar road) स्थानकाच्या दरम्यान दोन नव्या पादचारी पुलांची (Pedestrian bridge) बांधणी केली आहे.
पश्चिम रेल्वेवरील वांद्रे स्थानकावर चर्चगेट दिशेकडे सर्व फलाटाना जोडणारा पादचारी पूल उभा केला आहे. फलाट 1 ते 7 ला पादचारी पूल जोडला गेल्याने सर्व फलाटावरील प्रवाशांना या पुलाचा वापर करता येणार आहे. उभारण्यात आलेला पूल 80 मीटर लांब आणि 10 मीटर रुंद आहे. या पुलाची उभारणी करण्यासाठी 7 कोटींचा खर्च आला आहे. तर, खार रोड येथील पादचारी पूल बनविण्यासाठी 8 कोटींचा खर्च आला आहे. खार रोड येथील पूल 110 मीटर लांब आणि 6 मीटर रुंद आहे.
आर्थिक वर्षात 2021-2 या वर्षात पश्चिम रेल्वेवर पाच पादचारी पूल उभारले आहेत. यामधील वांद्रे-खार रोड दरम्यान तीन, माहीम, सांताक्रूझ येथे प्रत्येकी एक पादचारी पूल उभारले आहेत. प्रवाशांनी रेल्वे रूळ न ओलांडता पादचारी पुलाचा वापर करावा, असे आवाहन पश्चिम रेल्वेचे मुख्य जनसंपर्क अधिकारी सुमित ठाकूर यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
