मुंबईत कोरोना बाधित आणखी वाढले...वाचा बातमी 

मुंबई : आज 135 नवे कोरोना बाधित रुग्ण सापडल्याने मुंबईतील कोरोना बाधितांची संख्या पुन्हा वाढू लागल्याचे दिसते. तर आज 6 जणांचा मृत्यू झाला असून मृतांचा आकडा 131 वर पोहोचला आहे. 

मुंबईतील कोरोना बाधित तसेच मृतांचा आकडा नियंत्रणात येत असल्याचे दिसत असतानाच आज पुन्हा एकदा बाधित रुग्णांची संख्या अचानक वाढली आहे. आज नवे 135 रुग्ण आढळल्याने बाधित रुग्णांची संख्या 2798 इतकी झाली आहे. यात खासगी लॅब मध्ये 14 ते 16 एप्रिल दरम्यान चाचणी केलेल्या बधितांचा देखील समावेश आहे.

हेही वाचा...तुमची कार व्हायरसला 'अस' संपवणार 

तर आज मृत्यू झालेल्या 6 जणांपैकी 5 महिला व एका पुरुषाचा समावेश असून पाच जणांना दीर्घकालीन आजार होते तर एका रुग्णाचे वार्धक्‍य हे कारण असल्याचे सांगण्यात येते. 
आज एकूण 303 संशयितांना दाखल करण्यात करण्यात आले असून आतापर्यंत 6413 रुग्णांना उपचारासाठी दाखल करण्यात आले आहे. आज 29 रुग्ण बरे झाले असून मुंबईत आतापर्यंत 310 रुग्णांना घरी सोडण्यात आले. 

हेही वाचा...कोरोनापासून आईही मुलाचे संरक्षण करू शकते