उपचार केलेला रुग्ण पॉझिटिव्ह; उल्हासनगरमधील शिवनेरी रुग्णालय सील...

उल्हासनगर : दिवा येथे राहणाऱ्या एका रुग्णाचा तपासणी अहवाल पॉझिटिव्ह आल्याने त्याने उपचार घेतलेले उल्हासनगरमधील शिवनेरी रुग्णालय सील करण्याचे आदेश महापालिका आयुक्तांनी दिले आहेत. दिवा येथे राहणारा रुग्ण 3 एप्रिल रोजी उपचारासाठी शिवनेरी रुग्णालयात आला होता. संशयित वाटल्याने त्याला ठाण्यातील सरकारी रुग्णालयात पाठवण्यात आले होते. आज त्याचा अहवाल पॉझिटिव्ह आल्याने खबरदरीचा उपाय म्हणून शिवनेरी रुग्णालय सील करण्यात आले. 

मोठी बातमी - सॅनिटायझर टनेलचा वारंवार वापर ठरू शकतो घातक... 

संबंधित रुग्णाने शिवनेरी रुग्णालयात आधी तपासणी केल्यामुळे तेथील डॉक्‍टर, परिचारिका आणि कर्मचारी यांना कोरोनाच्या संसर्गाचा धोका आहे. त्यामुळे आयुक्त सुधाकर देशमुख यांनी रुग्णालय सील करण्याचे आदेश दिले आहेत. त्यानुसार पालिकेचे सहाय्यक आयुक्त गणेश शिंपी आणि विठ्ठलवाडी ठाण्याचे वरिष्ठ पोलिस निरीक्षक रमेश भामे यांनी रुग्णालय सील करण्याची प्रक्रिया सुरू केली आहे. रुग्णालयात विविध आजारांवरील उपचार घेण्यासाठी दाखल असलेल्या 10 रुग्णांना दुसऱ्या ठिकाणी स्थलांतरित करण्यात आल्याचे गणेश शिंपी यांनी सांगितले. 

मोठी बातमी -  उद्धव ठाकरे यांनी मुंबईतील ७०% कोरोना रुग्णांबद्दल दिली 'ही'अत्यंत महत्त्वाची माहिती

पालिकेच्या आरोग्य विभागातर्फे शिवनेरी रुग्णालयातील डॉक्‍टर आणि कर्मचाऱ्यांची हाय रिस्क आणि लो रिस्क अशी वर्गवारी करण्यात आली असून त्यांचे स्वाबचे नमुने मध्यवर्ती रुग्णालयात तपासणीसाठी पाठवण्यात आले आहेत. शिवनेरी रुग्णालयाचे डॉक्‍टर, परिचारिका आणि कर्मचाऱ्यांना भिवंडी बायपास मार्गावरील एका इमारतीत क्वारंटाईन करण्यात येणार असल्याची माहिती आयुक्त सुधाकर देशमुख आणि वैद्यकीय आरोग्य अधिकारी डॉ. राजा रिझवानी यांनी दिली.

corona patient found positive in shivneri hospital municipal corporation sealed hospital