धारावीत कोरोनाचा विळखा घट्ट; दुपटीने रुग्ण वाढले

मुंबई - कोरोनावर (Corona) नियंत्रण मिळवलेल्या धारावी, (Dharavi) दादर व माहीम हे परिसर पुन्हा एकदा कोरोनाचे हॉटस्पॉट (Corona Hotspot) झाले आहेत. या तिन्ही ठिकाणी रविवारी 274 नवीन रुग्णांची (Patients) नोंद झाल्याने जी उत्तर विभागातील नागरिकांसाठी ही चिंतेची बाब आहे.

धारावीमध्ये गेल्या 24 तासांत 60 नवीन कोरोनाचे नवे रुग्ण नोंदवले गेले आहेत. या परिसरातील सक्रिय रुग्णांची संख्या सध्या 179 वर पोहोचली आहे. ही माहिती बृहन्मुंबई महानगरपालिकेने दिली आहे. यापाठोपाठ दादर मध्ये 102 आणि माहिममध्ये 112 नवे कोविड रुग्ण सापडले आहेत.

यानुसार धारावीत आतापर्यंत 7,357 एकूण पाॅझिटिव्ह रुग्ण सापडले आहेत, दादरमध्ये 10945 आणि माहिममध्ये 11242 एवढे पाॅझिटिव्ह रुग्ण सापडले आहेत. 

धारावीत दुप्पट वाढ -

धारावीत 2022 च्या 1 जानेवारी या दिवशी 24 रुग्ण सापडले होते ती संख्या आता दुप्पट होऊन 60 वर पोहोचली आहे. याचा अर्थ मुंबईसह इतर वाॅर्डातील रुग्ण संख्याही दुपटीने वाढले आहेत.

गेल्या पाच दिवसांतील रुग्ण वाढ -

29 डिसेंबरपासून धारावीत रुग्णवाढ सुरू झाली आहे. त्या आधी 2 ते 3 असे रुग्ण दररोज सापडत होते, त्यानंतर, 28 डिसेंबर 17 रुग्णांची भर झाली.

29 डिसेंबर 17

30 डिसेंबर 20

31 डिसेंबर 34

1 जानेवारी 24

2 जानेवारी 60