Lalbaugcha Raja 2023 : लालबागच्या राजाचरणी लाखोंचं दान! सोने-चांदीसह लागला नोटांचा ढीग; पाहा Video

देशासह राज्यात देखील गणेशोत्सवाला मोठ्या उत्सहात सुरूवात झाली आहे. यादरम्यान मुंबईतील लालबागच्या राज्याच्या चरणी भरभरून दान आलं आहे. या दानाची मोजदाद केली जात आहे. गणेशोत्सवाच्या पहिल्याच दिवशी तब्बल २५ लाखांहून अधिक भाविकांनी लालबागच्या राज्याचे दर्शन घेतल्याची माहिती समोर आली आहे. दरम्यान यावेळी भक्तांनी लाखो रुपये किमतीचे दान गणरायाच्या चरणी अर्पण केले असून याच्या मोजणी केली जात असल्याचा व्हिडीओ समोर आला आहे.

लालबागच्या राजाचे दर्शन घेण्यासाठी दरवर्षी मुंबई तसेच राज्यातील कानाकोपऱ्यातून लाखो भाविक येथे येतात. सामान्य नागरिकांसह अनेक बॉलिवुड कलाकर, क्रिकेटर्स यांच्यासह अनेक इतर प्रसिद्ध लोक लालबागच्या राजाच्या दर्शनासाठी हजेरी लावतात. हेच भाविक राजाच्या चरणी भरभरून दान देतात. यावेळी रोख रक्कम, सोने-चांदीच्या वस्तूंसह अनेक गोष्टी दान केल्या जातात. राजाच्या चरणी होत असल्या दानाची योग्य मोजणी करण्यात येते.

मुंबईतील लालबागचा राजा सार्वजनिक गणेशोत्सव मंडळात गणेश चतुर्थीनिमित्त देण्यात आलेल्या दानाची मोजणी केली जात असतानाचा व्हिडीओ समोर आला आहे. या व्हिडीओमध्ये दान केलेल्या वस्तुंमध्ये सोने-चांदीचे दागीने, रोख रक्कम, इतर वस्तु दिल्याचे पाहयला मिळत असून गणेश मंडळाचे कर्मचारी हाताने या वस्तींची काळजीपूर्वक मोजणी करताना दिसत आहेत.